Торғай ағаш қорғайды тақырыбындағы ашық сабақ

Сабақтың тақырыбы: « Торғай ағаш қорғайды» Б.Ысқақов

Мақсаты: а)білімділігі:Б.Ысқақов туралы түсінік беру.Өлеңнің мазмұнын ұғындыру,торғайлардың пайдасы туралы әңгімелеу.

ә)дамытушылығы:Оқушылардың сөздік қорларын молайту,мәнерлеп оқу дағдыларын жетілдіру.

б)тәрбиелілігі:Оқушыларды адамгершілікке,табиғатты қорғауға,сүюге,құстарға қамқорлық жасауға тәрбиелеу.

Сабақтың түрі: жаңа сабақ,ойын сабақ

Әдісі: сұрақ-жауап, түсіндіру, СТО стратегиясы

Пәнаралық байланыс: дүниетану,қазақ тілі

Көрнекілігі: Б.Ысқақовтың,Қ.Мырзалиевтің портреттері,слайдтар,қызыл кітап,оқулық.

Сабақтың барысы:

I.Үй тапсырмасын тексеру

-Қ.Мырза Әлидің «қызыл қітап» өлеңін оқу

-Кітапшаларын тексеру

-Қызыл кітап дегенді қалай түсінесіздер?

-Неліктен жануарларды қызыл кітапқа енгізеді?

-Қызыл кітапқа енген жануарларға тиісуге болама?

-Қадыр Мырза Әлиге 5 жолды өлең.

Кім? Қ.Мырза Әли

Не істеді? Өлең жазды

Ол қандай? Білімді

Мәндес сөз Ақын

Сөйлем Қ.Мырза Әли ұлы ақын

Үй тапсырмасын бекіту

- Қызыл кітапқа енген қандай жануарлар,құстар мен өсімдіктерді білеміз? (тақтадағы слайдтарға шолу жасау)

Қызыл түс нені білдіреді?- Қызыл түс қауіп сақтанудың белгісі.- Қызыл кітап не үшін керек деп ойлайсың? (Оқушылардың жауабы тыңдалады).- Қызыл кітап – қауіптің дабылы және тірі табиғатты сақтау үшін күрестің нышаны.1948 жылы дүниежүзінің ғалымдары халықаралық табиғатты қорғау одағын құрды. Бұл одақ жойылып бара жатқан жануарлар туралы тұңғыш кітап шығарды. Кітап деректердің «Қызыл кітабы» деп аталады. «Қызыл кітап» деген атауды ағылшын зерттеушісі Питер Скотт ұсынды.- «Қызыл кітапқа» енген жануарлар мен өсімдіктердің кейбіріне тоқталып өту.

Жаңа сабақ.

Ойын «Адасқан әріптер»

- О Р Т А Ғ Й адасқан әріптерді орналастырсақ бүгінгі тақырыбымыздың не туралы екенін білетін боламыз.

-Торғай

-Дұрыс

-Қане,ендеше торғайға сипаттама берейікші....

Таза Нәзік

ТОРҒАЙ

Сүйкімді Кішкентай

Еңбекқор

Бүгінгі сабағымызда біз Бүркіт Ысқақовтың «торғай ағаш қорғайды»өлеңімен танысатын боламыз.

Б.Ысқақовтың өміріне тоқталу.

Бүркіт Ибрагимұлы Ысқақов 1924 жылы 4 қарашада Қарағанды облысының, Нұра ауданына қарасты "Көкмөлдір" деген жерде туған. Ол жастайынан қиялшыл, арманшыл болған екен. Зерек жас ел аузындағы қисса дастандарды зейін қоя тыңдап, жаттап алып жүреді. Соның әсері болса керек, кейін өзі де өлең шығара бастайды. Оның ең алғашқы өлеңі "Ана туралы жыр" деп аталады. Одан соң "Қарағанды комсомолы" газетінде әр түрлі тақырыпқа жазған өлеңдері жарық көре бастайды. 1951 жылы жаппай қуғын-сүргін тұсында "Үкіметке қарсы үгіт жүргізіп жүр" деген жаламен жазықсыз жазаланып, 25 жылға бас еркінен айырылады. Сөйтіп 27 жасар жігіт 30 жылдық жазаны арқалап кете барады.Лагерьде, тозақ отының төрінде жер қазып, шаң жұтып, шаршап–шалдығып, титықтап жүрсе де өлеңді қоймайды, өлең-жыр өңешінен түйдік-түйдік құйылды. Ол қазақ поэзиясында "Тұтқын жыры", "Лагерьдегі өлеңдер" деп аталатын поэзияның жаңа түрін бастады.1991 жылы өмірден өтті.

Өлеңді мәнерлеп оқу

Торғайдың қандай пайдасы бар?

Неліктен торғайларды өкпелетпеу керек?

Өлеңді іштей оқып шығу

Хормен оқып шығу

Топпен жұмыс