Төрт түлігім ырысым тәрбие сағаты мектепалды топқа

«Атамекен орта мектебі»ММ

Ашық тәрбие сағаты

Тақырыбы: «Төрт түлігім – ырысым!»

Дайындық «А» сынып жетекшісі: Бекесова Агия

2016 - 2017 оқу жылы

қараша

Сабақтың тақырыбы: Төрт түлігім – ырысым!

Сабақтың мақсаты: Төрт түлік туралы түсінік беру, олардың ерекшелігі, қасиеті, олардан алынатын өнімдермен таныстыру. Пайдасын айтып, оларды баптауға, қорғап қамқорлық жасауға тәрбиелеу.

Әдіс-тәсілдері: көрсету, түсіндіру, сұрақ-жауап, ойын

Көрнекіліктер: төрт түлік мал суреті, және төлдерінің суреттері

Ұйымдастырушылық оятушылық:

Психологиялық дайындық:

Атам мені «құлыным» - дейді

Әжем мені «боташым» - дейді

Әкем мені «шырағым» - дейді

Анам мені «қозым» - дейді

Ал шынында мен кіммін?

Мен кәдімгі баламын.

Мұғалім: Міне, балалар! Бізді еркелеткенде ата-әжелеріміз, әке-аналарымыз төрт түлік малдың сүйікімді төлдерінің атын қолданған.

Олай болса бүгінгі тақырыбымыз: «Төрт түлігім – ырысым!» деп аталады.

Төрт түлікке сиыр, түйе, жылқы, қой, ешкі жатады. Төрт түлік үй жануары.

Төрт түлік мал – халқымыздың байлығы. Өйткені халқымыздың тарихы осы төрт түлік малмен тікелей байланысты. Олардың пайдасы өте көп, үстіміздегі киім, ішіп-жеп отырған азығымыз, тағамымыз осының бәрі төрт түліктен алынады.

Төрт түлік туралы мәлімет

Қой – төрт түліктің ішіндегі аса жуасы, момыны. Аяғымызға киетін байпағымыз, киіз үй жабдықтары, төселетін киіздер бәрі қойдың жүнінен жасалады. Қойдың төлін қозы дейді.

Сиыр – ол адамға үйір, әрі момын жануар.

Біздің ішіп-жейтін тамағымыздың барлығы осы сиыр малының өнімі.

Сиырдың сүтінен жасалатын ұлттық тағамдар өте көп. Олар: құрт, ірімшік, май, қаймақ, айран, сүзбе т.б. Сиырдың төлін бұзау дейді.

Жылқы – мінсек көлік, сойса ет.

Жылқыны көлік ретінде де пайдаланады. Оның еті өте дәмді, қазы-қарта, жал-жая, қымыз адамға өте пайдалы, емдік қасиеті бар.Жылқының төлін құлын дейді.

Ешкі – ешкінің түбіті, терісі, сүті, еті өте пайдалы, оның әсіресе терісі мықты болады. Ешкінің төлін лақ дейді.

Түйе – түйенің сүті шұбат деп аталады. Шұбат әрі сусын, әрі тамақ емдік қасиеті де бар.Түйеге ертеде жүк артып, көшіп қонған кезде өте керек көлік ретінде пайдаланған. Өзге жануарлардан ерекшелігі шөлге, аштыққа төзімді. Түйенің төлін бота дейді.

Балалар енді төрт түлікке байланысты жұмбақтар шешейік:

Ащыдан басқа жемейтін

Ыстық шөлде отаны.

Шөлдесе су демейтін,

Шешуі бұл қай жануар? (Түйе)

Мінсең желдей жүйткиді,

Көңілің таудай өседі.

Алып ұшар алысқа,

Ер қанаты деседі (Жылқы)

Екі айнасы бар,

Төрт тармағы бар,

Бір шыбыртқысы бар,

Қай жануар? (Сиыр)

Аласа ғана бойы бар,

Айналдырып киген тоны бар,

Бұл қай жануар? (Қой)

Басында таяғы бар,