Төрт түлігім ырысым тәрбие сағатының үлгісі

Маңғыстау облысы Бейнеу ауданы

«Атамекен орта мектебі» КММ

Мектепалды даярлық сынып мұғалімі Майамерова Венера Сарсенбаевна

Тақырыбы: «Төрт түлігім-ырысым». Мақсаты: Балаларға ата кәсіп туралы олардың өмір салты жөнінде ұғым бере отырып, халқымыздың табиғатқа, жан-жануарға деген қарам-қатынасының тәрбиелік жағына көңіл бөлу. Төрт түлік туралы жұмбақтар, жаңылтпаш, өлең, мақал-мәтелдер мен тыйым сөздер, ойындар арқылы танымын, ой-өрісін дамыту. Еңбекқорлыққа, әдетғұрыпқа, іскерлікке, төрт түлікті қастерлеуге тәрбиелеу. Шаттық шеңбері. Шуақ шаша алтын таңда, Мөлдір таза ауада. Табиғаттың бәрі оянды, Қайырлы таң балалар! Сәлем бердім саған елім! Тал бесігім туған жерім. Сәлем берем бәріңізге, Сәлеметсіздер ме? - Балалар, бүгінгі ашық тәртие сағатымыздың тақырыбы «Төрт түлігім-ырысым». - Сендер төрт-түлікке нелер жататынын білесіңдер ме? (Балалар төрт-түлікке нелер жататынын атайды). 1.Суретпен жұмыс. Төрт-түліктің суреттері көрсетіп, олардың адамға пайдасы туралы айтып өту. Төрт-түлік малдың ең қасиеттісі түйе болып табылады. Қазақ халқы түйені дала кемесі деген. Ол шөлге шыдамды, жүк артса көлік, жесе ет, ал жүні киімге жараған. Ал сүтін болса емге пайдаланған. Сүті қою, құнарлы. Сүтінен шұбат, құрт, балқаймақ т.б өнімдер алған. Сиыр малы көбінесе тамаққа жараған, сиырды кейде көшке де, егіске де пайдалан

Беріп тай лақты, Алдым тайлақты. Екі семіз қозым бар, Сегіз семіз қозым бар. - Жарайсыңдар балалар төрт түлік үй жануарларын толық меңгердік деген оймен бүгінгі «Төрт түлігім – ырысым» атты ашық тәрбие сағатымызды төрт түлікке байланысты тыйым сөздермен қорытындылайық. 9.Тыйым сөздер. Ақты жерге төгуге болмайды. Малды тебуге болмайды. Малдың сүйегін отқа жағуға бол- майды. Малға теріс мінуге болмайды. Малдың басынан ұруға болмайды. -Балалар жарайсыңдар, бүгін бізге қонаққа сонау жайлаудан әжеміз келіп отыр екен. Оның бізге әкелген тәтті құрты базарлығы бар соны таратып берсін.