Центрлік симметрия бойынша алгебра материалы, 6 сынып

Қысқа мерзімді жоспар

Сабақ. тақ.

Центрлік симметрия.

Күні:

Сынып: 6

Қатысқандар саны:

Қатыспағаны:

Оқу мақсаты:

1.Центрлік симметрия ұғымымен, оларды өмірде қолдануды үйрету.

2.Кордината жазықтығында центрлік симметриялы нүктелерді сала алады.

Ойлау деңгейі:

Білу,түсіну,ойлау,талдау,жинақтау,бағалау.

Сабақ мақсаты:

1.Барлық оқушылар: центрлік симметрияны біледі

2. Оқушылардың басым бөлігі: осьтік симметрия мен центрлік симметрияны ажыратып,координата осінде сала алады

3 . Кейбір оқушылар: өмірдегі симметриялы заттарды ,құбылыстарды нақты біліп,практикада көрсете алады.

Тілдік дағды

Симметрия,центр, табиғат, нүкте сөздерін үш тілде айта білу.

Ұлттық құндылықтарды дарыту.

Наурыз мерекесін,ұлттық ойындарды яғни алтын сақа, теңге алу, бәйге, көкпар, қоржын және ұйқы ашар дәстүрлерін насихаттап, дәріптеп, мақтан тұту.

Алдың. білім

Осьтік симметрия

Бағалау критерийлері

Центрлік симметрия туралы білім дағдылары қалыптасады.

Жоспар

Жоспарланған уақыт

Жоспарланған жаттығулар (төменде жоспарланған жаттығулармен қатар, ескертпелерді жазыңыз)

Ресурстар

Басталуы ұйымдастыру кезеңі

Үй тапсырмасы

Алтын сақа

Оқушылармен амандасып,түгелдеу.

Сыныпта психологиялық ахуал тудыру.Мұндағы мақсатым, сабаққа деген ынтасын, көңіл-күйін көтеру. Шаттық шеңберін құрып, «Наурыз тілек» әдісі арқылы бір-бірімізге тілек айтамыз.

Оқушыларды топқа бөліп, топтық жұмыс жүргіземін. Топтарды геометриялық фигуралар арқылы бөлемін. Оқушыларға қалаған фигураны таңдап сол топтың атын атауды сұраймын.

1 топ-Шеңбер, 2-топ –Тіктөртбұрыш,3 топ-Шаршы,4 топ-Үшбұрыш.

Оқушыларға бүгінгі сабағымыз Наурыз мерекесіне арналатынын және ондағы ұттық ойындарды ойнайтындығымызды айтамын.

Оқушыларды бағалау критериймен таныстырып, топ ережесімен және алтын ереже құру қажеттілігін айту.Бағалау критерийіне байланысты, әр топта қазандықтар құрылған сол қазандықты асықтардағы ұпайлар арқылы толтырып, топтың және өздерінің бағалары шығатынын айтып өту керек.

Жасыл асық-3ұпай,

көк асық-2ұпай,

қызыл асық-1 ұпай

сары асық-0ұпай.

1.Үй тапсырмасын тексеру. «Сағат» әдісін пайдаланамын. Мұндағы мақсатым оқушылар дәптерлерін сағат тілімен ауысып бірін-бірі тексереді және бағалайды. №1216,№1213 есептерді АКТ-ны пайдалану арқылы слайдтан тексереді.

Критерийлері: тапсырмалар толық топта орындалса-жасыл асық, 1,2 оқушыда қателіктер болса-көк асық, 3,4оқушыда қателіктер болса-қызыл асық, 5,6 оқушыда да қателік болса –сары асық.

2.Қызығушылықты ояту мақсатында « Алтын сақа» ойынын пайдаланамын.Мұндағы мақсатым өтілген тақырыптарды оқушылардың қалай меңгергенін білу. Әр топқа алтын сақаны иіріп, мысылы алшы түссе соған арналған тапсырманы орындайды.Мұнда оқушылар асықтың қалай түскенін және ондағы тапсырмаларды топ болып шешіп, ұйымшылдыққа тәрбиеленеді.

«Алшы» түскендегі тапсырмалар:

1.Координаталық жазықтық дегеніміз не?

2.А(-2;5) нүктесін у осіне қатысты симметриялы қай нүктеге ауысады?

Қандай түзулер перпендикуляр түзулер деп аталады?

Д(2;5)нүктесін у осіне қатысты симметриялы қай нүктеге ауысады?

«Бүк» түскендегі тапсырмалар:

1.Координата жазықтығында берілген нүктенің х пен у-гі қалай аталады?

2. В(4; -2) нүктесін х осіне қатысты симметриялы қай нүктеге ауысады?

Қандай түзулер параллель түзулер деп аталады?

А(-3;-3) және В(-5;4) нүктесі болатын кесіндіні сызып көрсетіңдер.

«Тәйкі» түскендегі тапсырмалар:

1.Кординаталық жазықтық неше ширекке бөлінеді?

2. С(-2;-6) ) нүктесін х осіне қатысты симметриялы қай нүктеге ауысады?

1.Қандай симметриялы геометриялық фигураларды білесіңдер?

2. А(-5;4) нүктесін х осіне қатысты симметриялы қай нүктеге ауысады?

«Шік» түскендегі тапсырмалар:

1.Симметриялы фигуралар дегеніміз не?

2. Төбелері А(-3;-1),В(2;3) және С(-5;4) болатын үшбүрышты сызып беріңдер.

1.Осьтік симметрия дегеніміз не?

2.Е (-3;-3) және В(-5;4) нүктесі болатын кесіндісі у осіне қатысты симметриялы қай нүктелерге ауысады?

Критерийлері: тақырып бойынша сұрақтарға нақты жауап беру, координата жазықтығында салып көрсету.

Дискрипторлар: 1. Әрбір дұрыс орындалған 2 тапсырмаға –жасыл асық, 1-ші тапсырма толық 2-ші тапсырмада қателіктер болса-көк асық,2тапсырмада қателіктер болса-қызыл асық, тапсырмалар орындалмаса-сары асық.

Геометриялық фигуралар

Түрлі түсті асықтар,

қазандықтар

Сағат, слайд

Алтын сақа, кеспелер

Ортасы

Жаңа тақырып түсіндіру

«Теңге алу»

Оқулықпен жұмыс «Бәйге»

Сергіту

Сиқырлы қоржын

3.Жаңа тақырып бойынша мұғалім таныстырылымы.

Жаңа тақырыпты оқушыларға мынадай тапсырма арқылы ашамын.Оқушыларға бір парақ алыңдар, оны бір бүктеңдер,тағы бүктеңдер енді пайда болған бұрышты қайшымен қиып алыңдар. -Парақты ашып қараңдар , не байқадыңдар? Ой тастау арқылы Центрлік симметрия тақырыбын ашамын.

АКТ-ны пайдаланып слайд арқылы жаңа тақырыпты түсіндіремін.

слайдпен центрлік симметрияға түсінік беремін және О нүктесіне қатысты А нүктесіне симметриялы А1 нүктесін салуды көрсетемін.