Түбір мен қосымшаның жазылуы бойынша 3-сынып ашық сабағы

Ұзақ мерзімді жоспар бөлімі:

3-бөлім: «Уақыт»

Күні:

Мектеп:

Сынып: 3

Қатысқандар: 21

Қатыспағандар саны: 0

Сабақ тақырыбы

Түбір мен қосымшаның жазылуы

Осы сабақта қол жеткізілетін оқу мақсаттары (оқу бағдарламасына сілтеме)

3.2.5.1 берілген тақырып, сұрақ бойынша түрлі дереккөздерден (мәтін, сөздік, сызба, кесте, карта) алынған ақпараттарда кездесетін жаңа сөздердің мағынасын сөздіктер арқылы ашу, жүйелеу, мағлұматтардың маңызды тұстарын анықтау;

3.3.6.1 дәптерде бас әріп пен кіші әріптің биіктігі мен мөлшерін сақтап көлбеу, үзбей және біркелкі жазу, жазу қарқынын жеделдету;

3.2.3.1 мәтін мазмұны бойынша пікір білдіруге бағытталған сұрақтар құрастыру және жауап беру;

3.4.1.2 түбір сөздегі -ы, -і-нің дауысты дыбыстан басталатын қосымша жалғанған кездегі өзгерісін сақтап жазу.

Сабақ мақсаттары

Барлық оқушылар:

- жаңа сөздердің мағынасын түсіндірме сөздікті қолдану арқылы түсіндіреді;

- кең жолды дәптерде бас әріп пен кіші әріптің биіктігі мен мөлшерін сақтап көлбеу, үзбей және біркелкі үлгі негізінде жазады,

- мәтін мазмұны бойынша пікір білдіруге бағытталған сұрақтарға жауап береді, берілген сұрақтарды пайдаланып пікір білдіруге бағытталған сұрақтар құрастырады;

- сөзді орфоэпиялық нормаға сай айтады, үлгі негізінде есте сақтап жазады, түбір мен қосымшаның жазылуын біледі.

Оқушылардың көбі:

- жаңа сөздердің мағынасын түсіндірме сөздікті қолдану арқылы түсіндіреді, сөздерді сөз таптарына қарай топтастыра алады;

- кең жолды дәптерде бас әріп пен кіші әріптің биіктігі мен мөлшерін сақтап көлбеу, үзбей және біркелкі орта темппен жазады;

- мәтін мазмұны бойынша пікір білдіруге бағытталған сұрақтар құрастырады және сұрақтарға жауап береді;

- сөзді орфоэпиялық нормаға сай айтады, түбір сөздегі -ы, -і-нің дауысты дыбыстан басталатын қосымша жалғанған кездегі өзгерісін сақтап жазу.

Оқушылардың кейбірі:

- жаңа сөздердің мағынасын түсіндіреді, сөздерді сөз таптарына қарай топтастыра алады;

- кең жолды дәптерде бас әріп пен кіші әріптің биіктігі мен мөлшерін сақтап көлбеу, үзбей және біркелкі шапшаң жазады;

- мәтін мазмұны бойынша пікір білдіруге бағытталған сұрақтар құрастырады және өз жауабын негіздеп жауап береді;

- сөзді орфоэпиялық нормаға сай айтады, түбір сөздегі -ы, -і-нің дауысты дыбыстан басталатын қосымша жалғанған кездегі өзгерісін сақтап жазу

Бағалау критерийлері

- жаңа сөздердің мағынасын түсіндіреді, сөздерді сөз таптарына қарай топтастыра алады;

- бас әріп пен кіші әріптің биіктігі мен мөлшерін сақтап көлбеу, үзбей және біркелкі шапшаң жазады;

- пікір білдіруге бағытталған сұрақтар құрастырады және өз жауабын негіздеп жауап береді;

- түбір сөздегі -ы, -і-нің дауысты дыбыстан басталатын қосымша жалғанған кездегі өзгерісін сақтап жазады, түбір мен қосымшаның жазылуын біледі.

Сөздік қор

Пәндік терминология мен тірек сөздер:

Түбір сөз, туынды сөз, түбір, қосымша, жұрнақ, жалғау;

Сабақта диалог /жазу үшін пайдаланылатын тіл:

Түбір сөз дегеніміз не? Туынды сөз дегеніміз не? Қосымша дегеніміз не?

Құндылықтарды дарыту

Өз іс-әрекетін жоспарлауға, уақытты тиімді пайдалануға үйрету

Пәнаралық байланыстар

Дүниетану

Алдыңғы меңгерілген білім

Түбір мен қосымша

Сабақ барысы

Сабақтың жоспарланған кезеңдері

Сабақта жоспарланған іс-әрекет

Ресурстар

Сабақтың басы

0-5 минут

Сабақтың ортасы

5-10 минут

І. Ұйымдастыру кезеңі.

ІІ. (Т) Өткенді бекіту.

1-тапсырма

«Кубизм» әдісі бойынша алдыңғы білім пысықталынады.

1. Сөз дегеніміз не? Мысалы:

2. Сөздің бөлінбейтін бөлігі? Мысалы:

3.Түбірлес сөз дегеніміз не?

4.Туынды сөз дегеніміз не?

5. Қосымшаның атқаратын қызметі? Мысалы:

6. Қосымша нешеге бөлінеді, қандай?

7. Жұрнақ пен жалғаудың айырмашылығы?

ІІІ. Негізгі бөлім.

Жаңа сабақ. Түбір мен қосымшаның жазылуы.

«Жұрнақ пен жалғау»

2-тапсырма.

Тақтада берілген сөздерден түбірлес сөздер қатарын құра:

Өнерпаз, жұмыс, бала, өнер, жұмыскер, балалық, өнерлі, балақай, жұмысшы т.б.

Өнерпаз, өнерлі.

Жұмыскер, жұмысшы.

Балалық, балақай.

Оқулықпен жұмыс.

36-жаттығу. Түсіндірмелі сөздікті пайдаланып «күнұзақ» сөзінің мағынасын ашу. Өлең мазмұнына байланысты тапсырмаларды орындау.

Таспадағы «Күнұзақ» сөзінің мағынасын түсіндіру.

Екі түбір сөзден тұратын «күнұзақ» сөзіне қарама-қарсы мағыналас сөздерді тапқызу. («түнімен», «түні бойы» т.б.)