Түбір мен қосымшаның жазылуы бойынша 3-сынып сабағы

Сабақтың тақырыбы: Түбір мен қосымшаның жазылуы.

Сабақтың мақсаты: Оқушыларға түбір мен қосымшаның жазылу жолдарын түсіндіру. Түбір мен қосымшаның жазылуын түсінуге жағдай жасау.

Дамытушылығы: Ой – өрісін, шығармашылық қабілетін, тіл байлығын, есте сақтау қабілетін дамыту.

Тәрбиелігі: Оқушылардың өз ана тілін сүйюге,адамгершілік қасиеттерінің қалыптасуына ықпал етуге тәрбиелеу.

Көрнекілігі: Оқулық, кесте, слайд.

Әдіс – тәсілі: СТО тест, сұрақ – жауап.

Сабақтың барысы.

І. 1) Ұйымдастыру кезеңі.

Амандасу үлкенге,

Тәрбиенің басы ғой.

Ал, қанекей, бәріміз,

Сәлем дейік үлкенге.

Сәлеметсіздер ме!

2) Психологиялық дайындық.

Қазақ тілі – Атаң , Анаң ,

Қуат алар Отан да одан.

Дүниеде ешбір асыл,

Тең келмейді қатар оған.

Қазақ тілі – Халық тілі,

Тіл аманда – Халық тірі.

Мұғалім: Балалар, біздің ана тіліміз – қазақ тілі, ол бізге анамыздың ақ сүтімен дарыған. Бізге өз тілімізді терең меңгеруге қазақ тілі пәні көмектеседі. Сондықтан да қазақ тілі пәнін жетік меңгеруге тырысайық. Олай болса – Балалар, біз мектепке не үшін келеміз?

(Оқу, жазу, білім, өнер, еңбек үшін келеміз)

Олай болса бөлінетін топтарымызға ат қояйық.

І топ «Білім» тобы, ІІ «Өнер» тобы.

ІІ. Қызығушылығын ояту.

Сөз неден құралады?

Түбір сөз дегеніміз не?

Қосымша дегеніміз не?

Қосымша нешеге бөлінеді?

Үй жұмысы.

58 – жаттығу.

ІІІ. Жаңа сабақ. Мағынаны ашу.

Оқушылар, казір қай мезгіл? (Қыс мезгілі)

Қыс мезгілінде қолымызға не киеміз? (Қолғап)

Олай болса, мына қолғаптардың сыңарын тауып, келесі жағындағы сөздердің, түбірі мен қосымшасын оқимыз.

Ақыл – ды, кітап –тың, бүркіт – ші, тау – лы, әке – ме.

Ал қайсы сөздерде жіңішке дауысты дыбыс бар? (Бүркітші, әкеме)

Олай болса, түбір сөздің соңғы буыны жуан болса оған жалғанатын қосымшалар да жуан болады. Егер сөздің соңғы буыны жіңішке болса оған жалғанатын қосымшаларда жіңішке болады.

Енді түбір мен қосымшаның қалай жазылуын білу үшін жаттығулар орындаймыз.

ІV. Оқулықпен жұмыс.

59 – жаттығу.

Күй, жыр сөздеріне төмендегі қосымшалардың тиістілерін қосып жаз.

Әр бір қосымшаның жұрнақ немесе жалғау екенін айт .