Туған тіл ұлт қазынасы балабақшаға арналған сценарий

Алматы облысы, Алакөл ауданы,

Бескөл бекеті, «Василек»

бөбекжай-балабақшасының психологы

« Туған тіл – ұлттың қазынасы ».

Инттелектуалды байқау.

Мақсаты: Туған тілдің қадірін білу оның мәртебесін көтеруге жасалған жұмыстарды паш ету. Әрбір адам тілін, дінін, туған жерін қадірлеуге, сүюуге, құрметтеуге, мақтан етуге міндетті.

Ойынның ұраны: Қанша жұрт тілін үйренсең, Соғұрлым ана тілің шат.

Ұлағатты сөздер: Кімде кім қазіргі уақытта ана –тілін өзінің әдебиетін сыйламаса оны сауатты, мәдениетті деп санауға болмайды. (М.Әуезов.)

Ана тілін ұмытқан адам өз халқының өткеніненде, болашағынанда қол үзеді.

Тілін білмеген түбін білмейді. (Ғ.Мүсірепов)

Анамыздың ақ сүтімен дарыған тілімізді ұмыту – бүкіл ата-бабамызды ұмыту. (Б.Момышұлы)

Тіл қаруы сөз, Сөз қаруы – ой. Ақылды ой, алғыр сөз – адамның ең жоғарғы қасиеті. (Ғ. Мустафин)

Жүргізуші: Әр халықтың тілі - өзіне тән қымбаттты да қимас қазынасы. Сол сияқты біздің ана тілімізде – алтындай асылымыз, мөлдір маржанымыз, ғажайып гаухарымыз.Сонымен қатар тіл білімінің негізін салған Ахмет Байтұрсынұлы (атадан екі түрлі байлық қалған: «1. Байтақ жер, екіншісі бай тіл » деген. Сондықтан осы тілді сақтау әр адамның міндеті екенін білуіміз керек.

Жүргізуші: Құрметті тәрбиешілер бүгінгі тіл мерекесіне арналған қызметкерлер арасындағы «Туған тіл – ұлттың қазынасы» атты инттелектуалды ойынына қош келдіңіздер. Қазақстан Республикасының «Тіл Туралы Заңы » 1989 жылы 22 – қыркүйекте, Жоғарғы Кеңестің сессиясында қабылданған болатын.

Тіл мерекесіне орай ұйымдастырылған байқауға қатысушылар өз топтарымен таныстырып өтсін.

Жүргізуші: Бүгінгі сайыс 4 асудан тұрады.

1 асу – «Бәйге». Сайыскерлер өздерін таныстырады.

2 асу – «Тіл - өнер». Мақал – мәтелдер сайысы.

3 асу – «Көкпар». Сұрақтарға жауап беру.

4 асу – «Дода». «Алакөл» сөзіне сөз құрастыру

Жүргізуші: 1 Асу – «Бәйге»: Бәйгені бастамас бұрын ойынның шартын мұқият тыңдаңыздар. Ойын жылдамдықты, дарындылықты, ұшқырлықты талап етеді. Болашақтың жолында, Ізгі болсын мақсатың. Бәрі өзіңнің қолыңда, Шықсын ылғи жақсы атың, - дегендей, сайыскерлерімізге сәттілік тілеймін.Бұл асуда сайыскерлер өздерін таныстырады, өз аттарын қорғайды. Әрбір дұрыс жауапқа 10 ұпай беріледі.