Туған жер тұнған тарих тақырыбындағы мақала

Шымкент қаласы

№90 жалпы орта мектебінің

Қазақ тілі мен әдебиеті пәнінің мұғалімі

Каримбаева Нагима Юсуповна

Туған жер – тұнған тарих

Тарихтағы кеңістік пен уақытты,

Білу керек талай қымбат жақұтты.

Тарихтан көп ақпарат беретін,

Жолдауы бар біздер неткен бақытты.

Атқа міну мәдениеті – салтымыз,

Жылқы мінез біздің қазақ халқымыз.

Саят құрып аң аулаған құс баптап,

Әр қазақты «Барыс» деп біл жалпыңыз.

Біздің елден табылған «Алтын адам»

Тұлғасы жауынгердей жарқыраған.

Тарихта аты мәңгі сақталатын,

Болайық бәріміз де алтын адам.

Металды өндіретін бай елміз,

Түркістан мақтан етер жеріміз.

Алма мен қызғалдақтың отаны

Қазақстан екенін де біліңіз.

Жібек жолы ұлы жол керуен жолы,

Халықаралық қатынастың дара жолы.

Рухани жаңғыртатын санамызды,

Даланың көп сыры мен жеті қыры.

Елбасы Н.Ә.Назарбаевтың өзі атап өткендей «Болашаққа бағдар: рухани жаңғыру» атты бағдарламалық мақаласының жалғасы ретінде «Ұлы даланың жеті қыры» деп аталатын мақаласын ұсынды. «Ұлы даланың жеті қыры» мақаласы екі бөлімнен тұрады. Алғашқысы «Ұлт тарихындағы кеңістік пен уақыт» деп аталады. Мақаланың аты айтып тұрғандай, негізгі бөлім Ұлы даланың жеті қырын айқындап береді. Оның ішінде жеті қазынамыздың бірі жылқыға, адам мен табиғаттың өзара байланысын көрсететін «Аң стилі» өнеріне, «Алтын адам» тарихына ерекше мән берілген. Ұлы дала халқы металл өндіру және терең тарихымен мақтана алатынын, сондай-ақ, Фараби мен Яссауи өмір сүрген Түркі әлемінің бесігін атап, Еуропа мен Азияны жалғаған Қазақстан Ұлы Жібек жолын жаңғыртуды да көздеп отыр. Қазақ даласының алма мен қызғалдағы бар көркем табиғаты да елеусіз қалмады. Ал, мақаланың екінші бөлімі алдағы уақытқа бағыт-бағдар береді. Елбасы төл тарихымызды бағалап, жаңғыртуға арналған маңызды 6 міндетті тапсырмаларды жүктеді. Аталмыш мақаласында Мемлекет басшысы «Төл тарихын білетін, бағалайтын және мақтан ететін халықтың болашаға зор болады деп сенемін. Өткенін мақтан тұтып, бүгінін нақты бағалай білу және болашаққа оң көзқарас таныту –

Иә, біз жеті атамызды, жеті қазынамызды, жеті жетімімізді, жеті ғашығымызды, тіпті, сонау Тәуке хан заманындағы «Жеті жарғыны» және жеті санына қатысты салт-дәстүрлерді біліп өсіп келе жатқан халықпыз. Мұндай жеті санын қастерлейтін халық үшін «Ұлы даланың жеті қырын» білу қиынға соқпайтыны белгілі. Даланың жеті қыры деп көрсетілген мәселелер жайлы әрбір қазақ біледі. Бірақ соның тарихына үңілуге, төл тарихымыз екенін ұғынуға зор мүмкіндік берілді деп есептеймін.

Сондықтан Елбасының мақаласын жүйелі түрде насихаттау үшін мемлекеттік мекемелерде, оқу орындары мен қоғамдық ұйымдарда кешенді іс-шаралар, атап айтсақ, ғылыми конференциялар, дөңгелек үстелдер, мәдени кештер, пікірсайыстар,…