Туған жердің тағдыры тақырыбындағы қазақ тілі эссесі

Эссе

Туған жердің тағдыры

Халқымыз табиғатты Жер анаға теңеген. Өйткені, табиғатта тіршілік өсіп-өнеді. Табиғатта басы артық ештеңе жоқ. Табиғат сырын терең білмей, оған немқұрайлы қарау үлкен апатқа соқтырады. Бір кездерде табиғатты бағындыруды мақсат тұтып, ормандар аяусыз балталанды, аң-құстар шамадан тыс ауланды, жер жөн-жосықсыз жыртылып, топырақта эрозия пайда болды. Соның салдарынан бүгінгі таңда адам баласына ядролық апаттан гөрі экологиялық апат аса үлкен қауіп төндіріп отыр. Планетаның экологиясы — бұл барлық адамдарға қатысты.

Бүгінде тәуелсіз Қазақстанда ғана емес, бүкіл әлем алдында экология мәселелері тұр. Адам ақыл-ойының нәтижесі алып ракеталар, атом станциялары, зауыттар, т.б. ғылыми прогресс жетістіктері өмірімізді байыта, жеңілдете түсумен қатар қауіп-қатер туғызуда. Осының бәрі экологиялық сананың жеткіліксіздігінен, адамдардың болашақ ұрпақ алдындағы жауапкершілігін жете сезінбеуінен. Адам өміріне экологиялық зардаптардың әсер ете бастауы олардың қоршаған ортаға жыртқыштықпен қарауының салдары.

Бүгінде әрбір адамды туған жердің табиғатының тағдыры толғандыруы керек. Адамдар ядролық жарылыстардың зардабын әлі де тартуда, рак, өкпе, қан аздығы, қант диабеті, қан қысымының жоғары болуы, жүрек, психикалық аурумен ауыратындар көп.

Қазіргі уақытта Қазақстанның табиғат байлығын қорғау мәселесі ең негізгі мәселелердің бірі болып отыр. Еліміздің экологиялық проблемаларын айтқан кезде, алдымен Арал, Балқаш, Семей қасіреттерін ауызға аламыз.

Жаңа мыңжылдықтың басынан бастап, қоршаған орта мәселесі кенеттен бүкіл әлемде талқыланған кең таралған мәселе болды. Қоршаған орта тыныш немесе тұрақты болатын әлемде өмір сүретін адамдар жоқ. Өсімдіктер, ағаштар мен гүлдер — бұл Құдайдың осы сұлулықты көру үшін жасаған өмір нысандары, қазір ол қоршаған ортаны қорғауға бағытталған адамдар мен басқа да көптеген ұйымдарға тәуелді.

Менің ойымша, әрқайсымыз осы мәселеге өз үлесімізді қосуымыз керек. Тәуелсіз еліміздің экологиясын болашақ ұрпақ қамқорлыққа алып, еліміздің гүлденуіне үлкен үлес қоса отырып, таза ,әсем қалада тұруымыз керек.