Туған жерге туыңды тік тақырыбындағы сыныптан тыс жұмыс

Армысыздар, еліміздің асылдары,

Жайнасын көңілімнің жасыл бағы.

Сіздер үшін ән мен жыр, өлең мен күй,

Сіздер үшін өнердің шашулары.

1-жүргізуші: Туған жер - батырлар мен даналарды дүниеге әкелген, табанының, өмірінің өшпес ізін қалдырған, қазақ деген халықтың даналығын паш еткен жер!

1-жүргізуші: Туған жерін көк найзаның ұшымен, сом білектің күшімен қорғаған бабаларымыздың аманатын орындау үшін талай боздақтар жанкештілікке барған.

Қаракерей Қабанбай, Қанжығалы Бөгенбай , шапырашты Наурызбай батырлардан бастап, Ұлы Отан соғысында ерлігімен батырлығымен танылған Бауыржан Момышұлы атамыз, Мәншүк Мәметова, Әлия Молдағұлова апайларымыз, Тәуелсіздік жолында өзін құрбат еткен Жетісулық боздақтар- Сабира Мұхаметжанова, Ербол Сыпатаев, Ләззат Асановадай қазақ жастары желтоқсан оқиғасы кезінде қайсарлықпен ерлік көрсетіп,ел қорғауды ұран еткен, туған жері үшін құрбан болып, өз еліне туын тіккен батырлар.

(Жүргізушілер оқып жатқанда слайд арқылы суреттері көрініп тұрады.)

2-жүргізуші:

Киелі мекенім Жетісу жері — батырға да, ақынға да, әнші-күйшіге де, спорт саңлақтарына да бай өлке.

Бұл жер -“айтыс өнерінің алтын діңгегі” атанған Сүйінбай мен Сараның елі;

2-Жүргізуші:

Бұл жер- Дінмұхамед Ахметұлы Қонаев, Мұхтар Арындай ғалымдар елі;

1-жүргізуші:

Бұл жер- Әбілхан Қастеевтей қылқалам шебері, Мұқат Төлебаев, Бикен Римова, Қанабек Байсейітов, Дәнеш Рақышевтай өнер иелерінің елі;

2-жүргізуші: Бұл жер- «Қазақ поэзиясының Құлагері» атанған Ілия Жансүгіров, ақиық ақын Мұқағали Мақатаев, Сайын Мұратбеков сынды ақын-жазушылар елі;

1-жүргізуші:

Бұл жер - Нұрмолда Алдабергенов атамыз бен Зылиха Тамшыбаева, Зәкәрия Сейітова, Битәй Тәтеновадай апаларымыз қоғамның әр саласында ел тізгінін ұстаған еңбек ерлерінің елі.

2-жүргізуші: Бұл жер - Көк пен жерді жалғаған Тоқтар Әубәкіров пен Айдын Айымбетов туған ғарышкерлер елі.

1-жүргізуші: Бұл жер – Қазақстанды әлемге танытқан Нұрсұлтан Назарбаевтай тұлғаны дүниеге әкелген ел.

Бұл жер – Тәуелсіз елдің мәңгілік туын тіккен қасиетті мекен.

Екеуі бірге: Біз сол қасиетті елдің жасампаз перзентіміз!

ӘН: «Туған жерім байтақ жерім»

Сұлу дала! Менің сүйген еркемсің

Жаным сенен жаратылған өлкемсіңҚандай жақсы, қазақ болып туғаным О, туған жер! Тамашасың, көркемсің,- деп ақындарымыз жырға қосқан туған жер туралы өлеңдерге кезек берелік.

(Оқушылар ортаға шығып өлеңдер оқиды.)

2- жүргізуші:

Қазақ «Туған жерге туыңды тік» деп бекер айтпаған.

Патриотизм кіндік қаның тамған жеріңе, өскен ауылыңа, қалаң мен өңіріңе, яғни туған жеріңе деген сүйіспеншіліктен басталады»,- деп Елбасымыз «Туған жер бағдарламасын қолға алуды ұсынды.

1-жүргізуші: Осы бағдарламаның орындау барысында елімізде әр түрлі іс – шаралар өтуде.

2-жүргізуші: Туған жердей жер болмас,Туған елдей ел болмас. демекші қазақ халқы қашан да өз ұрпағын Отансүйгіштікке, адалдыққа, намысшылдыққа, елін- жерін құрметтеуге баулыған, адамгершілік қасиеттерді дәріптейтін ұлттық тәрбие үрдісі бүгінгі күні білім ордаларына да дәріптеліп келеді.

1-жүргізуші: Сондай сабақтардың бірі №16 ОМГ өтпекші. Соны барып көрелік.

Көрініс

Мұғалім: Сәлеметсіздер ме , балалар!

Бүгінгі сабағымыз күнделікті сабақтан ереше болады, себебі, бүгінгі сабағымызға қонақтар келіп отыр. Олай болса,сабағымызды бастайық. Бүгінгі сабағымыз «Туған жерге» тақырыбында болмақ.

Мұғалім: Балалар, Туған жер сендерге несімен ыстық? (Мұғалім сұрақ қояды)

1-оқушының жауабы: (Мағжан)

-Туған жер бізге өзінің топырағымен,өзінің әсем табиғатымен,биік-биік ғимараттарымен ыстық.

2-оқушы: (Сағадат) туған жер маған сарқырап аққан өзендерімен,асқар-асқар тауларымен, көздің жауын алатын әсем гүлдерімен қымбат.

Мұғалім: Дұрыс айтасыңдар, балалар.

Мұғалім: Ал, балалар ,мен сендерге үйден көрініс дайындап келіңдер деп едім. Дайынсыңдар ма?

Оқушылар:Ия

Көрініс қойылады.

1-оқушы: Сағынған елін аңсайды

Сары ала қаз көлін аңсайды,-демекші ауылыма жеттім-ау, әйтеуір.

2-оқушы:Туған жердей жер болмас,

Туған елдей ел болмас,-деп бекер айтпаған ғой, Нұрай.

3-оқушы:Ел іші-алтын бесік.Ауылдан асып қайда барамыз. «Пәлен жерде пайда бар,өз жеріңдей қайда бар?».Кіндік қанымыз тамған жер қашан да ыстық қой,солай емес пе, достар?

4-оқушы:Әрине,солай, Сағадат.Сенің айтқаныңа келісеміз. «Туған жердің жуасы да тәтті ғой».

5-оқушы:Айтпа,Мағжан. Әр адамның өз жері жұмақ қой!

Бәрі бірге:Туған жердің елі де көрікті, жері де сүйікті.

Мұғалім:барлықтарың үй тапсырмасына өте тамаша, жақсы дайындалып келіпсіңдер.Отыра қойыңдар.

Балалар, «Ел іші алтын бесік» деген дәйек сөздің мағынасын кім-қалай түсінеді?

3-оқушы: (Нұрэль)

Мен осы сөздің мағынасын былай түсінемін.Туған жер,Туған ел деген сөздер жүрекке жылы естіледі.Әрбір адам өзінің туған алтын бесігінде тең. Егер біз сол алтын бесігімізден жыраққа кетсек, алтын бесігімізді сағынамыз.Сондықтан туған жер-алтын бесігіміз.

Мұғалім:Рахмет! Нұрэль, Осы дәйексөздің мағынасын кең түрде ашып, жақсы түсінгеніңді көрсете білдің.

Мұғалім: Расымен де туған жер әр адамның жүрегінен ерекше орын алады. Сондықтан да әрқайсымыз туған жерлерімізді қадірлеп, қастерлеп, туған жерді қорғай білуіміз керек екен. Ал енді,балалар,біздің сабағымызға келген қонақтар да сіздерге осы тақырыпта өз ойларын айтып сіздерге туған жер туралы аңыздар айтып берсек дейді.Сол кісілерді тыңдап көрейік.

«Туған жер туралы жыр» , «Туған жерді сағыну» аңызы айтылады.

(Аршын) «Туған жердің әрбір сайы мен қырқасы, тауы мен өзені тарихтан сыр шертеді. Әрбір жер атауының төркіні туралы талай-талай аңыздар мен әңгімелер көп. Әрбір өлкенің халқына суықта пана, ыстықта сая болған, есімдері ел есінде сақталған біртуар перзенттері бар. Осының бәрін жас ұрпақ біліп өсуге тиіс» - деп Елбасымыз да айтып жатыр емес пе? мен сендерге мынадай аңыз айтып берейін: -«Бір кісі бармақтай құсты ұстап алып, торға қамап қояды. Тұтқын құс күні-түні дамыл көрмей «Отан,Отан, Отан...» деп шырылдай береді. Құстың иесі: «Мұның Отаны болғаны ма, ал Отаны болса қайда екен? Құсты босатып жіберейін де ұшқан жағына қарап, ғажайып елге апаратын жолды біліп алайын» деп ойлайды. Сөйтіп, құсты босатып жібереді. Құс ұшып шығып, бар болғаны он қадам жердегі тастақты тақырдың арасында өскен жалғыз түп тікенге барып қонады. Сөйтсе, әлгі бұтада ұясы бар екен. Демек, құстың Отаны ұя салған жері болды ғой» деп ойлайды әлгі адам. Шынында адам түгілі құстар да ұя салып мекен еткен жеріне…