Туған жерге туыңды тік тәрбие сағаты

Тақырыбы: «Туған жерге туыңды тік»

Мақсаты:

Білімділік: Отан, туған жер туралы түсініктерін кеңейту, ата-бабаларымыздың тереңде жатқан тарихымен таныстыру;

Дамытушылық: студенттердің бойында патриоттық сезімдерін дамыту, бірін –бірі тыңдап түсіну, құрметтеу дағдыларын қалыптастыру;

Тәрбиелік: студенттердің Отан, туған жерге деген сүйіспеншілігін арттыру, елін, жерін, тілін, әдет- ғұрпын құрметтейтін жаны таза, адамгершілігі мол, өз Отанын сүйетін азамат етіп тәрбиелеу.

Көрнекіліктер: Қазақстан Республикасының рәміздері, Мемлекет басшысы Н.Ә.Назарбаевтың «Болашаққа көзқарас: рухани жаңғыру» атты мақаласы, интерактивті тақта, елбасы суреттері

Тәрбие сағатының барысы:

Ұйымдастыру кезеңі

1. Мемлекеттік Әнұранды орындау

Кіріспе сөз.

Оқытушы: Қайырлы күн, құрметті ұстаздар мен студенттер! Бүгінгі «Туған жерге туыңды тік» (Нұрсұлтан Назарбаевтың «Болашаққа көзқарас: рухани жаңғыру» мақаласы аясында) атты тәрбие сағатымызды бастаймыз. Елбасы мақаласында Қазақстан қоғамы мен әрбір қазақстандықтың мақсат-мүддесі қамтылған. Бұл мақалада қоғамдық-саяси және мәдени-ағартушылық бағыттағы маңызды жобаларға қатысты қабылданар нақты қадамдар көрсетілген.

Студент1: Иа, елбасымыздың мақаласындағы ең басты айқын көрсетілген бағыт бәсекеге қабілеттілік. Қазіргі таңда жеке адам ғана емес, тұтас халықтың өзі бәсекелік қабілетін арттырса ғана табысқа жетуге мүмкіндік алады. Бәсекелік қабілет дегеніміз — ұлттың аймақтық немесе жаһандық нарықта бағасы, я болмаса сапасы жөнінен өзгелерден ұтымды дүние ұсына алуы.

Студент2: «Қазақстанның болашағы білімді ұрпақтың қолында» - деген елбасымыз, бәсекеге қабілетті, жан-жақты, елімізді шет елге таныта алатын ізденімпаз жастарды әрқашан қолдайды.

Студент3:

Көп аузынан түспейтін

Отан деген немене?

Оның тұлға, түс – кейпін

Достым, білгің келе ме?

Отан – сенің ата- анаң,

Отан – сенің, бауырың.

Отан – өлкең, астанаң

Отан- аудан, ауылың.

Отан- тарих, отан- тіл,

Жасаған елің, ер халқың,

Отан –өлең, Отан –жыр,

Көтерген көкке ел даңқын

(Туған жер сөзіне ассоциация жасау)

үйім

Туған жер

атамекенімелім

Оқытушы:

Мен оның күнін сүйем, түнін сүйем,

Ағынды асқар тау, гүлін сүйем.

Мен оның қасиетті тілін сүйем,

Мен оның құдіретті үнін сүйем.

Бар жәндігін сүйемін қыбырлаған,

Бәрі маған «Отан!» -деп сыбырлаған.

Жаным менің ,

Кеудемді жарып шық та,

Бозторғайы бол оның шырылдаған!

Отан!