Тұғыры биік Тәуелсіздік туралы шығарма 3-сынып

Тұғыры биік Тәуелсіздік

Қазақтар талай рет тұтасымен қырылып кетуге шақ қалды. Бірақ өмірге деген құштарлық, азаттық, еңсесі түскен елді қайыра түлетіп, қайтадан тәуекел тұғырына қондырып отырды.

Нұрсұлтан Назарбаев.

Тәуелсіздік - ту етер, Тәңір сыйлаған жаныма жақын, құлағыма жұмсақ естілетін, естігенде жұдырықтай жүрегімді қуаныш кернейтін тәтті ұғым.Біз ел болып, егемендік алып, еңсеміз көтеріліп, ұлттық құндылықтарымызды ұлықтап, заңғар көкке құлаш сермеген, көк байрағы көк аспанда қалықтаған тәуелсіз, бейбіт елміз. Біздің Ата заңымыз негізгі тәуелсіздік нышандарының бірі. Өз мемлекетіміздің рәміздері бар.Олар егемендікті,бостандықты,дәстүрлерді, тәуелсіздікті көрсетеді.Тәуелсіздік –бұл бүгінгі өмір ғана емес,сонымен қатар,ертеңгі өміріміз.Қазақстанның болашағы оның мүмкіндіктері мен мақсаттары.Тәуелсіз болу-өз тағдырына жауап беру деген сөз.Әлемнің өркениетті мемлекеттері Қазақстанды танып білді. Тәуелсіздік елімізге өз жемісін, сыры мен сипатын, салтанаты мен сүйіспеншілігін сыйлауда. Қазақстан - менің елім, менің туып-өскен жерім.

Туған жерім - тәуелсіз, азат ел. Кіндік қаным да осы жерге тамған. Біз тәуелсіз Қазақстанның тәуелсіз, бақытты ұрпақтарымыз. Бейбітшіліктің туын алдағы уақытта біздер қалықтатамыз.Біз білімді ұрпақ еліміздің өркендеуіне үлесімізді қосамыз. Ел болашағы - жастардың қолында. Болашақ бізден басталмақ.Қазіргі таңда жастардың жан-жақты білім алуына толыққанды жағдай жасалып жатыр. Оның көрінісі Болашақ бағдарламасымен қазақ жастары қай елде білім алам десе де болады. Ахмет Байтұрсынов « Балам деген елім болмаса, елім дейтін бала қайдан болсын» деп айтқандай , аға буын өкілдері бізге зор сенім артып отыр. Біздің алдағы мақсатымыз - көсегемізді көгертіп, айбынымызды жаһанға таныту. Мемлекеттің аман-есен дамуына тыныштықтан артық, азаттықтан артық ештеңе керек емес. Ендеше адамдар мен қоғамның, мемлекеттер мен халықтардың өз еркі өзіндегі тәуелсіздігі - ешкім тіл тигізе алмас қасиетті ұғым. Қазіргі адамзаттың ең басты мұраты, ең асыл қасиеті ол -Тәуелсіздік. Мұхтар Шаханов адамды әрқашан демеп, жебеп жүретін құдіретті төрт ана болу керек дейді. Олар: туған жері, туған тілі, салт-дәстүрі, тарихы. Туған жерің - түп қазығың, айбының. Ал тіл үздік болған жерде нәтиже де болады. Ана тіліміздің о