Тұғыры биік ұстаз туралы шығарма жинағы

Тұғыры биік -Ұстаз.

Адамзат ғұмырындағы ең қажетті мамандықтың бірі – ұстаз. Қай қоғамда болмасын ұстаз мамандығы құрметті орындардың төрінен табылары шындық.

Нағыз мұғалім болу - бұл қабілеттілік, бұл талант. Талант сөнбеу үшін, адам оны еңбек арқылы, үнемі іздену арқылы шығармашылық жұмыспен дамытып отыру керек. «Білімді ұрпақ - болашақтың кепілі» - демекші, қазіргі таңда елдің болашақ азаматтарын қалыптастыру бағытындағы білім беру мәселесі мемлекетіміздің басты саясатының бірі. «Адам ұрпағымен мың жасайды», - дейді халқымыз. Ұрпақ жалғастығымен адамзат баласы мың емес миллиондаған жылдар жасап келеді. Қай заманда болмасын жақсылыққа бастайтын жарық жұлдыз - оқу екенін білеміз. Сол жарық жұлдыз ортасы - мектеп. Мектеп – үйрететін орта болса, ал оның жүрегі – мұғалім. Көш алға бастап келеді. Біз беретін білім, біз беретін бағыт жаңа жолда. Әр ұстаз « ұстаз» деген есімге лайық болса, біз бағындыратын белестер көп.

Ұстаз деген ұстамы заңғар, мақсаты биік арманы асқақ жан. Жанам деген жүрекке от береді. Қаншама ғалым, ақын, профессорлар, өз мамандарының біліктілері ұстаз алдынан өтті. «Ұстаз болу- жүректің батырлығы,Ұстаз болу –сезімнің ақындығы. Ұстаз болу-мінездің күн шуағы, Ұстаз болу-адамның асылдығы,-деді Абай ақын. Осы бір өлең жолдары маған қуат беретіндей.

Өзімде осы бір мамандықты таңдап келдім. Еңбек жолымда өз мамандығымның кемеңгері болсам деген бір ғана мақсат болды. 2004 жылы бастауыш мамандығыммен дипломды қолыма алғанда, мен білімді ұстазбын деген мақтаныш бір сезім болған еді. Қателескен екем. Ол білімнің бір бөлшегі ғана екен. Замануи, жаңашыл, тұғыры биік, кемеңгер Ұстаз болу үшін әлі талай білім мен еңбектің керек екендігін түсіндім. Енді міне сол мақсатқа жету жолында тынбай еңбек етемін.

Қандай да еңбек болмасын, әуелі іс-жүзінде көрмегенше, оның қаншалықты қиын екенін біле алмайсың. Негізі ұстаздық еңбегін жаңа бастаған жас маман үшін шәкірттерін таң қалдырудан ұмытпағаны жөн. Осы талапты әрқашан есіме сақтап келемін. Әр оқушыңның қандай да бір жетістігін көргенде, балаша қуанасың. Мәртебең өсіп, жүрегіңді қуаныш кернейді. Сол үшін өзіңді бақыты сезінесің. Ұстаздың еңбегі сөнбестей…