Тұйық балаларды түсіну жолдары туралы баяндама

«Мінезі тұйық балалардың жан дүнесін түсіну жолдары»

Мінезі тұйық балалардың болуының себептері өте көп кездеседі. Дер кезінде баланың тұйық мінезіне көңіл аудармаса, одан өзіне-өзі сенімсіз, ойы шашыраңқы адам қалыптасуы мүмкін. Сондықтан, сіздің балаңыздың тағдыры алаңдататын болса, оған өзгеше көңіл бөлуге тырысу керек. Баланың психологиялық ерекшеліктеріне қарай, оның жан дүниесіндегі нәзіктігіне, оның ішкі әлеміне, физикалық дене кемістігінен де болуы мүмкін. Мұндай бала жалғыздықты қалап, ол жалғыз өзі қалаған жұмыстарды орындағанды қалайды. Осы жағдайда ата-аналар балаларына сергек және сақ болуы керек.

Алайда ата-анадан мейрімділік пен жылулық толық қанды ала-алмаған баланың еңсесі төмен болады. Әрине барлық ата-ана өз балаларын жақсы көреді, оларға қамқор, олардың сезімдері әртүрлі. Бір ата-ана балаға өте жұмсақ болса, бірі өте қатал болады. Кей жағдайда кіші жастағы балалар ата-анасының қатал болғанынан өзін жақсы көрмейді деп қабылдайды. «Тәрбиелеймін» деп, оның жан дүниесіне зиян келтірулері де мүмкін.

Ата-ананың махаббаты баланың өсуіне, дамуына, жеке тұлға болып қалыптасуына, адамгершілік қасиетіне ықпал етеді.

Бала тұйықталып қалмас үшін, үйге қонақты жиі шақырып тұрғанда жөн. Бала үшін басқа адамдармен қарым-қатынас жасау тиімдірек. Өйткені ол әр түрлі ортаға бейімделуі қажет. Балаға өз ойын еркін жеткізуге мүмкіндік беріп, сенімділігін арттыру қажет. Баламен сыныпта немесе балабақшада түрлі ойындарды ойнауға болады. Соның ішінде «Танысу» ойынын ойнатуға болады. Бірнеше адам жанымызға айналдыра отырғызып өздерін таныстырып өзі туралы бір-екі сөйлем айтады. Осыжа отырған келесі ойыншы өзі туралы айтпас бұрын, алдыңғы адамның сөздерін түгел қайталайды.

Тағы «Мен кіммін?», «Менің жақсы жақтарым және кемшіліктерім» деген сұрақтарды қою арқылы баланы білуге болады. Дәл осындай ойындарды балалармен ғана емес, үлкендерменде ойнауға болады. Бұл ойынның мақсаты: ол өзін ұялмай өз бойындағы кемшіліктерін және жақсы жақтарын барлық адамдармен бірге ортаға айту.Осындай ойындар балаға өзін ортада қалай ұстау керектігін үйретеді. Ойын әрекеттерінде бала өзін қалай ұстаса, шын өмірде де өзін-өзі солай ұстауға үйренеді.

Балаға адамдармен қарым-қатынас жасаудың өзіне зиян болмайтынын, қорқатын ештеңе жоқ екенін айтып түсіндіру керек.