Тұрақты болашаққа арналған студенттік бастамалар мақаласы

Тұрақты болашақтың мүмкіндіктерін кеңейту: Әл-Фараби атындағы Қазақ Ұлттық Университетіндегі студенттердің бастамалары

Әл-Фараби атындағы Қазақ Ұлттық Университеті Қазақстанда және одан тыс жерлерде тұрақты дамуды ілгерілетуде маңызды рөл атқарады.

ҚазҰУ тұрақты даму саласындағы зерттеулерге белсенді қатысады. Оның бір айғағы университеттің факультеттері мен институттары экология, экономика, әлеуметтік ғылымдар және технологиялар сияқты тұрақты дамудың әртүрлі аспектілері бойынша зерттеулер жүргізуінде жатыр.

Қазіргі уақытта әл-Фараби атындағы Қазақ Ұлттық университетінде университеттермен және ұйымдармен ынтымақтастық туралы 200-ден астам келісім бар. Халықаралық университеттермен және ұйымдармен ынтымақтастық осы салада білім мен тәжірибе алмасуға мүмкіндік туғызады.

2024 жылдың 21 ақпанында «7М02312-шетел филологиясы» мамандығының бірінші курс магистранттары Ахмет Ұ.О., Қажияхметова А. М., «6В02303-шетел филологиясы (батыс тілдері)» мамандығының бірінші курс студенттерімен және «Педагогика және білім беру менеджменті» кафедрасының доценті және педагогикалық практика әдіскері Иманбекова Б.И. кеңес беруімен педагогикалық практика аясында «Тұрақты даму үшін серіктестік» атты дөңгелек үстел өтті. Студенттердің бұл бастамасы тұрақты даму мақсаттарына қол жеткізудегі серіктестік пен ынтымақтастықтың маңыздылығын жүзеге асырудағы маңызды қадам болды.

Әл-Фараби атындағы Қазақ Ұлттық Университетіндегі тұрақты даму саласындағы серіктестік университеттің қазіргі заманғы міндеттерді шешу және тұрақты даму мәселелерін шешуге қабілетті болашақ көшбасшыларды даярлау стратегиясының негізгі элементі болып табылады. Әртүрлі мүдделі тараптармен ынтымақтастық университетке қоғамдық және ғылыми пікірталастарға белсенді қатысуға және Қазақстанда ғана емес, сонымен қатар жаһандық ауқымда тұрақты дамуға ықпал етуге мүмкіндік береді.

Шетел филологиясы және аударма ісі кафедрасының 1-курс магистранттары

Ахмет Ұ.О., Қажияхметова А.М.