Түрлі-түсті көбелектер мектепке дейінгі конспект

Білім беру саласы:«Шығармашылық»

Бөлімі:Сурет салу

Тақырыбы:Түрлі-түсті көбелектер

Мақсаты:Манатопия әдісін пайдаланып көбелекті сала білуге үйрету, саусақ бұлшық еттерін жетілдіру, ой-қиялын дамыту, ұқыпты жұмыс жасай білуге тәрбиелеу.

Алдын-ала жүргізілетін жұмыстар: өсімдіктер, жәндіктер туралы әңгімелесу.

Әдіс -тәсілдер:көрнекілік,практикалық,сөздік.

Қажетті көрнекі құралдар: қағаз, гуашь

Қостілділік: көбелек-бабочка

Өту барысы:

Тәрбиеші балаларды бірнеше көбелектердің түстеріне назар аудартады. Соларға байланысты гүлдердің түстерімен таныстыру. Оларды аналарымызға мейрам күндері сыйға тартуға болатынын түсіндіріп айту.- Бүгін біз бұлардан әдемі көбелектер жасап үйренеміз,-деп олардың қызығушылығын оята отырып, үлгіні көрсетіп талдау жасайды.

Балалар: Балалар гүлдерді ұстап көреді, қандай түрімен жұмыс жасағысы келетіндерін өздері таңдайды.

-Балалар бұлар нелер?

-Мына көбелектердің түстері қандай?

Көбелектер, құрттар, құмырсқалар, тарақандар бұлардың барлығы жәндіктер деп аталады.

Қалай атаймыз?

Жәндіктер қайда жүреді? мыс: көбелек?

-Ал, тарақандар?

-Қыс мезгілінде жәндіктерде қандай өзгерістер болады?

Тәрбиеші әр балаға көбелектердің суреті бар парақтар таратып береді, мұндағы көбелектерді қандай түстермен бояуға болатынын көрсетіп, түсіндіреді:

-Көбелектердің шеткі сызықтары бойынша бояп алып сол парақты екіге майыстырып беттестіруді көрсетіп орналастыру;

-көбелектің бейнесін жасаймыз, мұрты, өрнектерін бояумен бояп екі бетті бір – біріне беттестіру арқылы жасаймыз:

- гүлдерді, шөптерді түрлі түсті қағазды умаждау арқылы бастырамыз.

Балалар:

-көбелектер

-әртүрлі

-қызыл

-жасыл

-сары

-жәндіктер

-ауада ұшып жүреді

-жерде

-қыста жердің астында ұйқтайды

Балалар өздері таңдаған түстерді алып, көбелектерді жасайды, бірнеше көбелекті әртүрлі түстерден жасайды.

Дайын болған көбелектерді тәрбиеші тақтаға іліп, олардың арасына гүлдерді орналастырып, композиция жасап қояды, ең әдемі көбелек таңдалады.

Балалар: Балалар өздерінің көбелектерін көрсетіп, көбелек туралы өлең айтып береді.

Күтілетін нәтиже:

Біледі: көбелектер жайында жаңа мәліметтерді.

Игереді:көбелектерді жасаудың әдіс-тәсілдерін.

Меңгереді: көбелектерді манатопия әдісімен жасауды.