Ү дыбысы және әрпі бойынша мектепалды сабақ жоспары

Оқу іс –әрекетін ұйымдастырудың технологиялық картасы.

МАД

Тәрбиеші:

Уақыты:

Кабинет:

Тақырыбы

Ү дыбысы және әрпі

Сабақтың мақсаты

Білімділігі: Оқушыларға Ү дыбысы мен әрпін таныту, сөздегі орны туралы түсінік беру. Ол арқылы берілген сөздерді дұрыс оқу мен жазуға үйрету.Дамытушылығы: Ү дыбысына қатысты жаңа сөздер ойлату, сөйлемдер құрату. Дыбысталуы ұқсас Ұ дыбысымен салыстыру. Танымдық іс - әрекеттер арқылы ой - өрістерін, тілін дамыту.Тәрбиелігі: Оқушылардың табиғатқа деген сүйіспеншіліктерін арттырып, құстарға, аңдарға қамқорлық жасай білуге үйрету.

Көрнекіліктер

Үлестірмелі суреттер, плакат т.б

Іс-әрекет кезендері

Тәрбиеші әрекеті

Балалардың іс — әрекеті

Психологиялық ахуалды қалыптастыру

– Сәлеметсіңдер ме, балалар! Терезеге қараңдаршы! Қандай тамаша! Аңдар мен құстар, таулар мен өзендер – бәрі қуанышты. Өйткені бәрі-бәрі бір-бірімен дос. Айналадағы ортамен достықта болған қандай керемет!

Қол ұстасып, өзімізбен де, айналамен де сәлемдесейік.

Айтамыз алғыс қайталап,

Тыңдайды бізді шартарап.

Өмір сүру – бір бақыт.

Дос бола білу – шын бақыт!

Балалар алдағы өтетін сабаққа дайындық жасайды.

Ұйымдастыру іздестіру

Жаңа сабақ

Үстел берсең кіргенде,Үлкен кісі есіктен,Үлкен екен - демей ме?Үйренген ғой бесіктен.Өлеңнің әр жолындағы бірінші сөзге назарымызды аударайық. Үстел, үлкен, үйренген. Дауыстай айта отырып Ү дыбысын дыбыстаймыз. Жаңа әріпті көрсетемін.Жұмбақ.Халық қу деп, қылған күлкі,Айласы көп, бұл не?(түлкі)ТүлкіДыбыстық, буындық талдау!Жарықта соқырмын,Ұша алмай отырмын. (үкі)Жүгері, гүл, үтікОқулықпен жұмыс Түлкі1. Тізбектеп оқыту.Сөздік жұмысы.Тымақ - Аң терісінен жасалып, суықта киетін бас киім.Ішік - Іш жағы аңның терісінен тігіліп, сыртын матамен тыстаған жылы сырт киім.

Балалар барлық қимылдарды тәрбиешіге қарап, қайталайды. Берілген тапсырмаларды орындайды.

Сергіту сәті

«Мен білемін».

Мақсаты: сөйлеу тілін дамыту, сөздік қорын бекіту, байқығыштық пен зейінді дамыту.

Мазмұны: педагог допты қолдана отырып, келесі мәтінді айтады, бұл кезде допты еденге ырғақпен соғу.

– Мен ұлдардың бес атын білемін:

Арман – бір

Аділет – екі

Қуаныш – үш

Асхат – төрт

Нариман – бес

Әрі қарай келесі ойыншыға доп беріледі. Ол келесі бес затты атайды. Бұл кез-келген заттар болуы мүмкін (ойыншықтар, гүлдер, ағаштар, аңдар).

Оқушылар ойын ойнайды