ҰБТ өмір соңы емес екені туралы оқушы жұмысы

ҰБТ – бұл өмірдің соңы емес Сен бір күннің нәтижесінен әлдеқайда маңыздысың. Бізді кішкентай кезімізден бастап бір жолға салып үйретеді: жақсы оқы, үздік бол, мектеп бітір, ҰБТ тапсыр, грантқа түс — өмірің сонда ғана бақытты болады. ҰБТ — сол ұзақ жолдың соңындағы үлкен белес сияқты. Ал оған жете алмасаң, бәрі құлайды деген қорқыныш бар. Бірақ шындық басқаша. ҰБТ — бұл өмірдің соңы емес. Сенің құның – баллмен өлшенбейді. Адамның құндылығы тек қағаздағы санмен анықталмайды. Сенің жүрегіңдегі арманды, миыңдағы мыңдаған идеяны, ниетіңдегі тазалықты – ешбір тест есептей алмайды. Сен – тек 80, 90 немесе 110 балл емессің. Сен – өз жолын іздеп келе жатқан тұлғасы бар адамсың. Сынақ дегеніміз – тек бір күннің суреті ғана. Ал өмір — тұтас фильм. Бір сәтке сүрініп қалғаныңмен, өміріңнің бағыты жоғалмайды. Сәтсіздік – үкім емес, бетбұрыс. ҰБТ-дан төмен балл алу, армандаған грантқа түспей қалу — сәтсіздік емес. Бұл жай ғана өмірдің басқа жолын ұсынған белгісі. Кейде дәл осы “болмағандар” бізді шын болуға итермелейді. Бір есік жабылса, оның ар жағында он есік күтіп тұруы мүмкін. Ал біз көбіне бір есіктің алдында жылап қалып қоямыз. ҰБТ – тек бір есік. Сол үшін өмір тоқтап қалмайды. Қоғам қысымы