Үй құстары тауық әтеш балапан ашық сабағы

Өткізілген күні: 22.01.2019 жыл

Білім беру саласы: «Таным»

Ұйымдастырылған оқу қызметі: Жаратылыстану

Тақырыбы: «Үй құстары.Тауық,әтеш,балапан»

Мақсаты: Балаларға үй құстары және олардың тіршілігі жайлы түсінік беру.Үй құстарының тіршілігі жайлы сұрақтарға жауап бергізу арқылы ойлау,есте сақтау қабілеттерін жетілдіру.Үй құстарына қамқор болуға оларды күте білуге тәрбиелеу.

Билингвалды компонент: әтеш-петух,тауық-курица

Әдіс-тәсілдері: ойын технологиясы,көрнекі әдіс,түсіндіру,көрсету

Құрал-жабдықтары: интерактивті тақта,үй құстары: әтеш,тауық,балапан суреттері, фетрдан жасалған сары дөңгелек пішіндер, үлестірмелі материалдар

Сәлемдесу.

Балалар шеңберде айналып жүріп,сәлемдеседі.

Тәрбиеші: -Балалар,қараңдаршы мынау не? (балалар жауабы) (слайд 1)

-Дұрыс айтасыңдар! Бұл-күн! Күніміз бізге шуағын шашып,күліп тұр.Сендер де күнге қарап қол бұлғаңдаршы.Керемет!

Тәрбиеші: Күн қандай? (дөңгелек)

-Түсі қандай?(Сары түсті)

Ғажайып сәт.

Үнтаспа,үй құстарының дауысын тыңдату.

-Балалар,сендер қандай құстардың дауысын тыңдадыңдар? (Балалар жауабы)

Суретпен жұмыс

Тәрбиеші балаларға үй құстарының суреттерін көрсетеді.

-Бұл,тауық,әтеш,балапан дауыстары,үйде күтіп-баптап өсіретін құстарды үй құстары деп атайды.Үй құстарының адамға пайдасы өте көп.олардың жұмыртқасы мен еті-тамақ.

-Балалар күнмен бірге оянып айқайлап шақырып,бізге ұйқы бермейтін,ол не?

(слайд 2) (Әтеш)

-Әтеш қалай дыбыстайды? (Ку-ка-ре-ку)

Сергіту сәті.

-Балалар, әтеш жем жегенді жақсы көреді екен.Ол жем жеп жатқанда,бірге жем жеу үшін өзіне тауықты шақырады екен.Қанеки балалар, тауықты бізде шақырайық. Тауықтар жем жегенді жақсы көреді.Әтештің тауықтан ерекшелігі мынандай: әтештің айдары бар,ал қауырсыны түрлі-түсті болады.

Билингвалды компонент. Әтеш-петух,Тауық-курица

Тауық та келді. (слайд 3) -Тауықтың көңіл күйі жоқ екен.

-Балалар,біздің тауық балапандарын жоғалтып алыпты,біз оған көмектесейік. Егер біз оған көмектессек бізге арнаған тосын сыйы бар екен.

Үстел үсті ойыны: «Балапанды құрастыр»

Шарты: Балалар фетрдан жасалған дөңгелек сары пішіндермен балапан құрастырады.

Жарайсыңдар,балалар сендер тауық пен әтештің балапандарын жақсы құрастырып, тауып бердіңдер. Балапанның түсі қандай? Пішіні ше? (Балалар жауабы)

Саусақ жаттығуы

Әдемі әтеш

Таң атпай тұрыпты.

Айдарын тарапты

Жан-жағына қарапты.

Тауық, әтеш балапандар қайтадан табысты.Балапандар анасының қанатының астында демалғысы келеді.Бізде тыныш қана орындыққа отырайық,балапандарға кедергі жасамайық.(слайд 4)

Балаларға сұрақтар қойылады.

–Балалар бізге қонаққа не келді? Әтеш қалай шақырады? Тауықтың баласын не дейді? Тауықтар не жейді?Сендер не құрастырдыңдар? (Балалар жауабы)