Тауық пен балапандар ашық сабағы мектепке дейінгі топқа

«Тауық пен балапандар»

Сабақтың тақырыбы:«Тауық пен балапандар»

Сабақтың мақсаты:Қарапайым математикалық ұғымдарды қалыптастыра отырып, үлкен – кішкентай, ұзын - қысқа ұғымдарын қайталап бекітіп, геометриялық пішіндер қоршаған ортада көп екеніне балалардың көңілін аудару, айырмашылықтары мен ұқсастықтарын ажырату. Балалардың ойлау қабілеттерін дамыту. Балаларды мейірімділікке, бірлікке тәрбиелеу.

Көрнекіліктер: мысық, геометриялық пішіндер, саңырауқұлақтар, себеттер, ағаш, паравозик және т.б

Сабақтың әдіс- тәсілдері: сұрақ- жауап, жеке жұмыс, өзін- өзі тану, триз әдістемесі.

Сабақтың барысы:

Ұйымдастыру кезеңі:

Шаттық щеңбері: Қайырлы күн көк аспан,

Қайырлы күн жер- ана,

Қайырлы күн анашым,

Қайырлы күн балапандар!

Тауық: Менің сап- сары балапандарым-ау сол, сендер бүгін сондай әдемісіңдер, сондай сүйкімдісіңдер! Балапандар сендер біздің ең жақын, ең кішкентай досымыз күшікті білесіңдер ғой, ол жоғалып кетіпті, оны біз іздеуге шығамыз. Бірақ сендер ақылды болыңдар, менің артымнан жүріп қалып қоймаңдар!

Музыка әуенімен балалар щеңбер бойынша жүреді, орындарына отырады.

Тауық: Қараңдаршы мына жерде не отыр?

Балалар: Мысық.

Тауық: Ол бұл жерде неге отыр екен?

Балалар: Мысық тышқанды күзетіп отыр.

Тауық: Онда біз «Тышқанды мысықтан құтқарайық». Алдымыздағы жатқан геометриялық пішіндерді алып, оларды атап отырып, тышқанның есігін түсі және форма бойынша жауып тастауымыз керек.

Балалар бір-бірден шығып, геометриялық пішіндерді таңдап, оларды атап, тышқанның есігін жауып тастайды.

Әрі қарай тауық балапандарымен күшікті іздеуге шығады.

Олар орманға келеді. Орманда Маша отырады.

Тауық: Маша сен мұнда неге жалғыз отырсың?

Маша: Мен өзім жалғыз саңырауқұлақтарды жинай алмаймын, сендер маған көмектесіңдерші!

Тауық: Балалар Машаға көмектесемізбе?

Тапсырма: «Саңырауқұлақтарды жинау »

Үлкен және кіші саңырауқұлақтарды көлемі жағынан екі түрлі себетке жинау. Балалар жеке-жеке шығып, саңырауқұлақты алып, себетке салады.

Тауық: Менің сары балапандарым, сендер біраз шаршаған шығарсыңдар, бойымызды сергітіп алайық.

Балалар щеңберге тұрып, музыка әуенімен тауық пен балапандар биін билейді.

Тауық: Ал менің кішкентай балапандарым, дем алдық енді әрі қарай күшікті іздеуге шығайық.

Тауық: Балалар қараңдаршы тақтада нені көріп тұрсыңдар?

Балалар: Әр түрлі және әр түсті шарлар.

Тапсырма: «Әр түрлі шарлар»