Үй жағдайындағы тәжірибе ата-анамен жұмысқа

Ата - аналарға кеңес :

Тақырыбы :

Үй жағдайында балалармен эксперименттік тәжірибелерді ұйымдастыру

Эксперименттік іс –тәжірибелер балалардың сүйікті әрекеттері . Кішкене балаларда қоршаған әлемдегі құбылыстарды танып –білуге деген құштарлық басым болады. Бірақ балаларды осы танымдық қызығушылығын ата-аналары тежеп еркіндігінен айырып тосқауыл боп жатады. Балалардың сұрағына жауап бересіз бе ? Қуыршақ театрына барасыз ба бірігіп ? Мұражайға апарасыз ба ? Ата –аналардың осындай салғырттығы мектепке барған шағында баланың белсенділігін бәсеңдетеді де жаңалықты білсем деген құлшынысы болмай да қалады. Зерттеу жұмыстары балалардың танымдық қабілеттерін дамыту құралының бірі болып табылады.

Қиын емес эксперименттік тәжірибе лерді үй жағдайында да ұйымдастыруға болады. Бұл үшін көп заттың қажеті де керек емес , тек құлшыныс пен қиял және шамалы ғылыми білім қажет болады.

Үй бөлмесінің кез келген бұрышын пайдалануға болады. Ас үй мен жуынатын бөлме тіпті ыңғайлы болар еді. Мысалы жуыну барысында су мен сабын қасиетін білуге болады.

Қайсысы бірінші ериді сабын ба әлде тұз ба ?

-Теңіз тұзы

-Жуынуға арналған сабынды көпіршік

- Сабын қалдығы

Ас үй – балаларымен аналарының жиі жүретін бөлмесі. 1,5 см биіктікте су толтырылған бірдей көлемдегі ыдыстағы судан әртүрлі көлемдегі параллонды пайдаланып суды сорып алуын бақылатады. Ол су сорған параллонды келесі бос ыдысқа сығуын ұсынады да . Сұрақ береді . Қай көлемдегі параллон суды көбірек жинап алды? Неге ? Енді су бетіне параллонды еркін салып қойсақ не байқадыңдар ?

( балалар жауабын өздері табуын күтіңіз , сұрақ жауапсыз қалмасын (қиналса жауабын сіз бересіз) Егер зерттеу нәтижесін өзіңіз айтуға да қиналсаңыз анықтама әдебиетеріне жүгініңіз.

Тәжірибені кез –келген әрекет барысында жүргізуге болады. Мысалы: сурет салу кезінде жасыл түс таусылып қалса , жасыл түсті бояуларды араластырып өзі жасап алуын ұсыныңыз. Көк түс пен сары түсті қосқанда жасыл түс пайда болатынын байқап табады ма бақылаңыз. Өз қолымнен жасап көріп және қателесу арқылы да мақсатына жететінін де байқайсыз.