Үй жануарлары мен төлдер туралы ашық оқу сабағы

Ашық ұйымдастырылған оқу іс-әрекеті

Білім беру саласы: Коммуникация

Бөлімі: Сөйлеуді дамыту

Тақырыбы: «Үй жануарлары мен төлдер»

Мақсаты:

Білімділік: Балаларға үй жануарлары туралы білімдерін толықтыру, олардың пайдасы , маңызы туралы түсінік беру.Олардың түрлерін бір-бірінен ажыратуға үйрету.

Дамытушылық: Үй жануарларына байланысты сұрақ-жауап, жұмбақ шешу арқылы тіл байлықтарын дамытумен бірге олардың бізге тигізер пайдасын айтып, ұлттық тәрбие негізін еңбексүйгіштікке тәрбиелеу.

Тәрбиелік: Үй жануарларына қамқорлық жасау.

Әдіс-тәсілдері: әңгімелесу, түсіндіру, сұрақ-жауап, дидактикалық ойын.

Қажетті-құралдар: Үй жануарларының суреттері, жүннен тоқылған киімдер.

Билингвальді компонент: Үй жануарлары- домашние животные , сиыр-корова, қой-овца, жылқы –лошадь, ешкі –коза, түйе-вервлюд, мысық –кошка, ит-собака.

Бізге көп қонақтар келіп отыр, алдымен амандасып алайық.

Шаттық шеңбері:

Қуан, шаттан алақай,

Қуанатын күн бүгін!

Қайырлы таң, қонақтар,

Қайырлы таң балалар.

Балалар бүгінгі сабақта үй жануарлары туралы әңгімелесеміз, қане тақтаға қараңдаршы, бұл үй жануарларының суреттері.

Бұл-сиыр. Сиыр-өте пайдалы.Ол бізге ет, сүт, ірімшік, құрт, май береді.Сүттен май, қаймақ, ірімшік, айран, құрт жасаймыз.Сиырдың төлі-бұзау.

Жылқы-жеті қазынаның бірі. Жылқы-мінсе көлік. Сүтінің емдік қасиеті бар. Жылқы еті де пайдалы, одан қазы-қарта жасайды. Жылқының төлі-құлын.

Түйе-төрт-түлік малдың бірі. Түйе-ірі жануар.Ол бізге шұбат береді.Шұбаттың емдік қасиеті бар.Түйе жүнінен әр түрлі көрпе жасалып, киімдер тоқылады.Түйенің төлі-бота.

Қой-ұсақ жануар. Қой сүті-қорғасын.Қой жүнінен киіз-көрпе жасайды, жылы киімдер тоқылады.Қой етін, сүтін пайдаланамыз. Қойдың төлі-қозы.

Ит-адамның досы.Ол үйді күзетеді.Иттің баласын күшік деп атайды.

Мысық-сүтті жақсы көреді.Мысықтың баласы-марғау.

Ғажайып сәт: Ғажайып қорапша

Балалар бізге бір адам қорапша тастап кетіпті, қандай керемет.

-Балалар қорапшаны ашып көреміз бе ?

Балалар қорапшада көптеген заттар бар екен, мен бұл қорапшаны кімнің жібергенін білу үшін мына хатты оқиын.

Хат: Сәлеметсіңдер ме балалар! Мен бағбан атаймын, мен сендерге арнап асықтар беріп жібердім.Әр асықта тапсырмалар бар, сол тапсырманы орындасаңдар сендерге арналған сыйлығым бар. Ал, сендерге сәттілік тілеймін.

-Балалар, ендеше бағбан атайдың тапсырмаларын орындаймыз ба?

1-тапсырма

Жұмбақтар шешу

Кішкентай ғана бойы бар

Айналдырып киген тоны бар. (Қой)

Кездесті бір жануар,

Үстінде екі тауы бар. (Түйе)