Үй жануарлары мен төлдері бойынша мектепке дейінгі ашық сабақ

Білім беру саласы: Әлеумет

Бөлімі:Қоршаған ортамен танысу

Тақырыбы: Үй жануарлары

Мақсаты: Білімділік: Үй жануарлары және олардың төлдерімен таныстыру, үй жануарлары жайлы түсініктерін, ажырата білуді үйрету, пайдасы жайлы алған білімдерін бекіту.

Дамытушылық: Әңгімелету арқылы есте сақтау, ойлау қабілеттерін арттыру, өз ойларын еркін, әрі нақты жеткізе білуге дағдыландыру, ойын арқылы сөздік қорларын молайту.

Тәрбиелік: Жануарларға қамқорлық жасауға, оларға сүйіспеншілікпен қарай білуге тәрбиелеу.

Әдіс - тәсілі: Түсіндіру, әңгімелеу, сұрақ - жауап, ойын, интерактивті тақтадан көрсету.

Көрнекіліктер: Үй жануарларының суреттері, интерактивті тақта.

Сабақ түрі: Саяхат сабақ.

Сабақтың барысы: Тәрбиешінің іс-әрекеті

Сәлемдесу

Шаттық шеңбер:

Аспанымыз ашық болсын

Күніміз тыныш болсын

Ауамыз таза болсын

Суымыз мөлдір болсын

Деніміз сау болсын

Еліміз аман болсын.

- Балалар, қазір жылдың қай мезгілі?

- Күз мезгілінде қандай өзгерістер болады?

- Өте жақсы. Жарайсыңдар!

Бүгінгі өтілетін тақырыбымыз үй жануарлары .

Үй жануарлар Жылқы ,түйе ,сиыр,қой,ешкі,ит,мысық адамның үйінің маңайында тіршілік етеді.Сол үшін үй жануарлары деп атайды.Оларға адамдар қамқорлық жасайды,күтеді,тамағын суын береді.

Мотивация-Бұзау кіреді жылап.

Балалар бізге кім келді?Бұзау саған не болды?

Бұзау: Мен анамнан адасып қалдым.

Балалар бұзау анасын жоғалтып алыпты.Бұзауға анасын табуға көмектесейік.

Біз бұзауға көмектесуіміз үшін ауылға баруымыз керек.

Жолда көңілді болу үшін «Қошақаным» әнін айтамыз. (шеңбер бойымен жүреді)

- Міне, балалар, біз ауылға келдік.

Әже:Сәлеметсіңдерме балалар,мұнда қайдан жүрсіңдер?

Балалар:Біз бұзаудың анасын іздеп жүрміз,бізге табуға көмектесіңізші.

Әже :Жарайды мен көмектесемін ,бірақ менің тапсырмаларымды орындасаңдар.

Тәрбиеші:Балалар біз тапсырмаларды орындауымыз керек екен.

1-тапсырма

Тыңдап қарасақ, олардың дыбыстары естіледі.

Жануарлардың дауыстарын тыңдап, қай жануар екенін айтады, интерактивті тақтада сол жануардың суреті шығады слайд бойынша.

Қәне, мынау ненің дыбысы? ( балалар жауап береді, әрі қарай жалғастыру)

2-тапсырма :«Төлдерін, тап» ойыны;

Тәрбиеші: Балалар, үй жануарларының төлдерін білесіңдер ме? Кім айтады?

Сиыр - бұзау

Жылқы – құлын

Қой – қозы

Ешкі – лақ

Түйе – бота

Ит – күшік

Мысық –марғау

Сергіту сәті:

Тікірейіп құлағы

Менен бұрын тұрады.

Бойын жазып керіліп

Беті - қолын жуады.