Үй жануарлары тақырыбына арналған сабақ жоспары

Білім беру саласы: «Таным» Бөлімі: Жаратылыстану Тақырыбы: «Үй жануарлары» Мақсаты: Балаларға үй жануарлары туралы білімдерін толықтыру, олардың пайдасы, маңызы туралы түсінік беру. Олардың түрлерін бір-бірінен ажыратуға, зейін қойып тыңдауға үйрету, үй жануарларына байланысты тақпақтар мен мақал-мәтелдер айтқызу, сұрақ-жауап, жұмбақ шешу арқылы тіл байлықтарын дамыту, олардың бізге тигізер пайдасын айтып, ұлттық тәрбие негізін еңбексүйгіштікке тәрбиелеу.

Тәрбиелік: Үй жануарларына қамқорлық жасау Әдіс-тәсілі: Сұрақ-жауап, түсіндіру, көрсету Көрнекілік: Үй жануарларының суреттері

Тәрбиеші: Балалар, Амандасу- адамгершіліктің, әдептіліктің баспалдығы Білер қазақ баласы, Сәлем сөздің анасы Көп танысты көреміз Алдымыздан кезіккен Бәріне де ізетпен Иіліп сәлем береміз Балалар, қазір жылдың қай мезгілі: Көктемде неше ай бар? Көктем мезгілінде қандай ойындар ойнайсындар? Өте жақсы, жарайсыңдар Мен сендерге жұмбақ жасырайын, шешуің тауып көріңдер:

1. Кезікті бір жануар

Үстінде екі тауы бар (Түйе)

2. Екеуі елеңдеп келеді

Төртеуі төбелесіп келеді (Жылқы)

3. Өріске ерте өреді

Біздерге сүт береді (Сиыр)

4. Кішкене ғана бойы бар

Айналдырып киген тоны бар ( Қой)

5. Басында екі таяғы бар Төрт аяғы, сақалы бар (Ешкі)

-Осы үй жануарлары қайда тіршілік етеді? (Аула, үйде) -Қандай үй жануарларын білесіңдер?

Тақтаға қарап үй жануарлармен танысып алайық: Түйе, жылқы, сиыр, қой, ешкі Түйе - төлі бота Жылқы - төлі құлын Сиыр – төлі бұзау Қой – төлі қозы Ешкі – төлі лақ

Екі тілде айтайық: Түйе – верблюд Жылқы – лошадь Сиыр – корова Қой – баран Ешкі – қозы

Үй жануарларының қандай пайдасы бар? - Түйе – шұбат, ет, жүнінен киім тоқыйды, жүк

тасыйды. - Жылқы – қымыз, ет, жүк тасыйды. - Сиыр - сүтін ішеміз, май, кілегей жасаймыз - Қой – ет, жүнінен киім тоқыйды. - Ешкі – ет, сүт, жүнінен киім тоқыйды.

Оларды неге үй жануарлары дейміз? Себебі, адамдар қорада жем, шөп, су беріп, бағады.

Ал енді кім үй жануарлары туралы тақпақ айтады? (Балалар ортаға шығып тақпақтарын айтады)

Кіп-кішкене момақан, Қошақанды ұнатам Сүйеді апам қозым деп, Қошақаным – өзім деп. (Ерсін)