Ұйымдастырылған оқу қызметінің технологиялық картасы, ашық сабақ

№7 Ортаңғы тобында ұйымдастырылған оқу қызметінің технологиялық картасы

Тәрбиеші: Камаржанова Камшат

Мерзімі: 10. 09. 2020ж

Білім беру саласы: «Шығармашылық»

Бөлімдері: Мүсіндеу.

Тақырыбы: «Бақшадағы сәбіз»

Мақсаты: Ермексазды домалақтау,сопақшалау, шымшу тәсілдері арқылы сәбіз мүсінін жасауды үйрету.

Міндеттері:

1. Көкеністер туралы білімдерін бекіту.

2.Ойлау қабілеттерін, ұсақ қол маторикасын дамыту.

3.Ұқыптылыққа тәрбиелеу.

Керекті құралдар: Үлгі суреттер, ермексаз, тақтайша, сүлгі, жемістер мен көкөністердің муляждары, көжек, үнтаспа.

Әдіс-тәсілдер: Жұмбақ жасыру, дидактикалық ойын, түсіндіру, мүсіндеу, қортындылау, мадақтау.

Сөздік жұмыс: Шымшу, сопақшалау.

Қос тілдік компонент: Бақша-огород, сәбіз-морковь, көкөністер-овощи.

Қызмет

кезеңдері

Тәрбиешінің қызметі

Балалардың қызметі

Мотивациялық-қозғаушылық

Жұмбақ жасыру:Жаздай інге тығылып,

Жатқан қызыл түлкіні

Құйрығынан суырып,

Әкелді әжем бір күні.

Ол не?

Сұрақ-жауап:

-Сәбіз жеміс пе көкөніс пе?

-Ол қайда өседі?

Дидактикалық ойын:

«Көкөністер мен жемістер»

Шарты: Үстел үстіне көкөністер мен жемістердің муляждарын және екі себетті қояды. Бір себетке көкөністерді, бір себетке жемістерді салуды ұсынады.

Бақша, сәбіз, көкөністер сөздерін орыс тілінде айтқызады.

Жұмбақтың жауабын шешіп, қойылған сұрақтарға жауап береді.

Үстел үстіндегі көкөністер мен жемістердің муляждарын ажыратып себетке салады.

Бақша-огород, сәбіз-морковь, көкөністер-овощи сөзерін қайталап айтады.

Ұйымдасты- рушылық - іздеушілік

Тосын сәт: Жылаған дауыс естіледі.

Тәрбиеші балалардың назарын көңілсіз отырған көжекке аударады. Оның қарыны ашқанын түсіндіріп, әрі рахаттанып сәбіз жегісі келетіндігін айтады.

Балалардың қояндарға көмектесеміз деген келісімін алғаннан кейін, тәрбиеші сәбізді ермексаздан мүсіндейтіндерін айтады.

Жұмысқа кіріспес бұрын сәл тынығып алайық.

Сергіту сәті: (саусақ жаттығулары)

Қояндарым келіңдер,

Сәбіздерді теріңдер.

Жуып, турап, майдалап,

Көжектерге беріңдер.

(Г. Абдрахимова)

Ермексазбен жұмыс жасау техникасын түсіндіреді, көрсетеді.

1. Ермексазды жұмсарту;

2. Ермексазды алақан ортасында жоғарыдан төменге қарай есу;

3. Алақан ортасына салып алға-артқа қарай есу.

4. Мүсіннің есілген шетін алға созу;

5. Ұсақ бөлшектерін есіп, жапырағын жасату.;

Шымшу, сопақшалау сөздеріне сөздік жұмыс жүргізеді.

Балалардың өз еркімен жұмыс жасауларын қадағалайды. Мүсіндеуде балалардың іс-әрекет барысын бақылап, көмектеседі.

Жылаған дауыс қай жерден естілгенін іздей бастайды.

Балалар көжекке жанашырлық танытып, көмектесетіндерін айтады.

Сергіту сәтін жасайды. Тәрбиешінің айтуы бойынша қимыл-қозғалыстар жасайды