Ұлағатты ұстаздың міндеті туралы мақала 4 сыныпқа

Публицистикалық мақала

“Ұлағатты – ұстаздың міндеті”

Жинхуу Айнур

Қостанай қаласы, Қостанай облысы

Федоров ауданы Успенов ауылы

Педагогика ғылымында баланы оқыту мен тәрбиелеудің мақсаты – жан - жақты дамыған жеке тұлға қалыптастыру болса, оқытудағы негізгі мақсат – өздігінен дамуға ұмтылатын жеке тұлғаны қалыптастыру.

Яғни, қазіргі таңда, ата – ананы алаңдататын жағдай, ол, баланың қазіргі білімі мен болашағы. Біз “жас ұрпақты” тәрбиелеп, оған білімімізді сусындатып, өнегелі мақсаттарды айқындай алуына үйрету біздің басты міндет. Бірақ, бір мәселе бар. Балалардың өзіндік дамуына, ой – өрісіне, қарым – қатынасына - осы біздің заманымыз, қоршаған ортамыз қатты әсер етуде. Мұны біз - ұлағатты ұстаздар жеңе аламызба. Әрине, балаларға білім беру, білгеніңді үйрету, тәрбиелеу мұның бәрі – “ұстаз” үшін үлкен мансап, мәртебенің бірі.

Қазақ мектебіміздің жайы мені қатты алаңдатады, себебі, біздің болашағымыз, біздің ұрпағымызы жас бүлдіршіндер – біздің артымыздан еріп келеді. Еліміз, жеріміз, туымыз, болашағымыз – қазіргі бүлдіршін, болашақ балалардың қолында, ұрпақтан – ұрпаққа жалғасып беріледі. Бұл үлкен “аманат” десекте болады.

Қазіргі ұстаздардың білім беру үрдісі дамып келеді. Көптеген педагогикалық әдіс – тәсілдер, жан – жақты ізденістер, қажетті ақпараттар, көптеген көрнекі құралдары дамыған. Сол себептен, қазіргі балаларға білім беруде ұстаздар еш қиыншылықтарға мойымауы керек. Тек қана балаларға білім беру, қандайда бір тақырыпты сусындатып жеткізе білу, баланың миына қондыра білуі міндетті. Сонда ғана жұмысының жемісі өрбиді.

“Ұлағатты ұстаз болу” әркімнің маңдайына жазылмаған. Өз еңбегіңді, мамандығыңды жақсы көрсең, шын ықыласпен жұмыс жасасаң, сонда ғана жемісін көресің.