Ғылымға үлес қосқан ұлағатты ұстаз туралы мақала

Ғылымға үлкен үлес қосқан ұлағатты ұстаз

Білім мен интеллектуалдық дамудың туын мақтанышпен көтеріп келе жатқан беделді әл-Фараби атындағы Қазақ ұлттық университетінде өз ісіне адал ұстаздар жоғары кәсіби деңгейде білім берудің мызғымас дәстүрін табысты жалғастыруда. Сол ұстаздар қатарында өзінің табандылығы арқасында, кәсіби шеберлігімен дінтану ғылымының дамуына үлкен үлес қосқан философия ғылымдарының докторы, профессор Байтенова Нағима Жаулыбайқызының орны ерекше. Өзім ол кісіден сабақ алғандықтан, ол кісіні оқып жатқан білім ізденуші студенттер үшін шабыт пен білімнің қайнар көзі бола білген тұлға деп есептеймін.

Байтенова Нағима Жаулыбайқызы 1980 жылдан бастап әл-Фараби атындағы ҚазҰУ философия және саясаттану факультетінде ұстаздық қызмет атқаруда. Осы уақытта философия, дінтану саласында жоғары білікті көптеген мамандарды даярлауда өзіндік үлес қосқан. Ғылым жолында 1991 жылы "Диалектика национального и интернационального как методологический принцип исследования" атты тақырыпта каңдидаттық диссертациясын, ал 1998 жылы — "Социально-философский анализ проблем межэтнической интеграции" атты тақырып бойынша докторлық диссертация қорғаған. Нағима Жаулыбайқызы екі рет «Жылдың үздік оқытушысы» атағын алған. Онымен қоса «Болашақ» халықаралық бағдарламасының грант иегері, Қазақстан Республикасы Білім және ғылым министрлігінің «көрнекті ғалым» ғылыми стипендиясы, «Қазақстан Республикасының ғылымын дамытуға сіңірген еңбегі үшін», «ҚазҰУ-ға 75 жыл», «ҚазҰУ-ға 80 жыл» мерейтойлық медальдарымен марапатталған, 2015 жылғы АРТА рейтингінің қорытындысы бойынша Қазақстан Республикасы жоғары оқу орындарының профессор-оқытушылар құрамының жалпы рейтингінің номинанты болған.

Байтенова Нағима Жаулыбайқызы халықаралық конференцияларға тұрақты түрде қатысып, ғылыми мақалалар, монографиялар мен оқу-әдістемелік кешендер жариялады. Ғылыми еңбектердің жалпы саны 400-ден астам, оның ішінде 5 монография, 7 оқулық, 10-нан астам оқу-әдістемелік кешен, импакт-факторлы 5 мақала (Tomson, Scopus), шетелдік басылымдар. Ғылми жоба шеңберінде «Қазақстандағы діндер» (2008), «Қазіргі дәстүрден тыс діни қозғалыстар мен культтер» (2009), «Қысқаша діндер тарихы» (2009), “Дінтану негіздері” (2006, 2014,2018), “Дінтану. Энциклопедиялық сөздік”, 1-2 том (2018) сияқты бірқатар кітаптары жарық көрген.

Нағима Жаулыбайқызы өзінің шетелдік тағылымдамасын Үндістан, Египет, Малайзия, Чехия, Карл университеті (Прага), Мармара университеті (Түркия, Стамбул), Селжук университеті (Түркия, Конья), Германия, Ұлыбритания секілді елді мекендерде өткізген. Байтенова Нағима университеттік, университетаралық,…