Ұлт руханиятын XXI ғасыр биігіне көтеру мақаласы

Жумадилова Карлыгаш Маратовна, қазақ тілі мен әдебиеті пәнінің мұғалімі,

№20 орта мектеп, Тараз қаласы

[email protected]

Болашаққа бағдар–ұлт руханиятын XXI ғасыр биігіне көтеретін

рухани жаңғыру бағдарламасы

«Ел болу үшін – ұлттық рух, ұлттық қасиет және ұлтқа деген сенім болуы керек». Н.Ә.Назарбаев

Ел тарихы–тұтас ұлттың түп тамыры. Ежелден ұлы дала қойнауын мекен еткен халқымыз қашан да көзі ашық, көкірегі ояу болған. Заман ағымынан қалмай, басқалардың оң өзгерістерін бойына сіңіріп, өзге елдермен терезесін тең ұстауға тырысқан. Демек, бабалардан мирас болып, қанымызға сіңген ұлттық – рухани тамырымыздан нәр алып, заман талабына сай қоғамдық санамыздың өзгеруі заңды құбылыс. Жаһандану үдерісі барысында өткен тарихымызды ұмыту, өткенімізден қол үзіп қалу адасудың басы болмақ. Дегенмен, дәстүрдің озығы бар, дәурені өткен тозығы бар екенін ескеріп, керітартпа көзқарастардан арылудың маңызы зор. Бүгінгі таңда әлем көз ілеспес жылдамдықпен өзгеріп жатыр. Әлемнің бағыты, болашағы тұманды болып тұрған сәтте, Елбасы Н. Ә. Назaрбаевтың Болашаққа бағдар: рухани жаңғыру атты бағдарламалық мақаласы елді жарқын болашаққа бастайтын даңғыл жол болмақ. Бұл мақала Жолдауда қозғалған бағыттарды кеңінен тарқатып, мемлекеттік идеологияны анықтайтын, көпке түсінікті, ұлт руханиятын биігіне көтеретін, рухани жаңғыртуға бағытталған құжат деп білемін. Әр халық, әр мемлекет ғасырлар бедерінде рухани жаңғырып, жаңарып отырады. Ал рухани жаңғыру мен жаңаруда білім берудің маңызы зор. Біз өзіміздің ұлт