Ұлттың рухани жаңғыруы жарқын болашақ кепілі баяндама

Каспий өңірі «Болашақ» колледжі

Жетекші: Тастемирова Д.Б.

Студент: Қазыбаева А.Д. тобы: НОО-18

Ұлттың рухани жаңғыруы – жарқын болашақ кепілі

«Ұлттың рухани жаңғыруы – жарқын болашақ кепілі» бұл Тәуелсіз Қазақстанның жаһандану дәуіріндегі рухани кеңістігіміздің жаңа бастауы болып табылады. «Ұлттың рухани коды» дейтін академиялық ұғым, Мемлекет басшысының ой санасында бірнеше рет ой сарабынан өтіп сүзіліп шыққан, таразыға тартылған, көп жылдардан бері сарапталып, пісіп-жетіліп, өзінің сын сағатын күтіп келген тың дүние екені белгілі. Осы кезеңдерге дейін еліміздегі жүзеге асырылған ірі-ірі жобалар мен стратегиялық бағдарламалардың дені саяси-әлеуметтік, экономикалық ендіктерге құрылған болатын. Бәрі де рет-ретімен және өте сәтті жүзеге асырылып келді. «Ең бірінші экономика, содан кейін саясат» деген басқару жүйесін бұрынғы елбасымыз Нұрсұлтан Назарбаев тегін айтқан жоқ.

«Ұлттың рухани жаңғыруы – жарқын болашақ кепілі» - сонымен қатар ұлттық идеологиялық бағытымыздың рухани кепілі, ұлттық дамуымыздың негізгі тірегі болып табылады. Өз алдымызға жеке ел болып отау құрып, бабалар аманатына қол жеткізіп, шекарамыздың бәрін айқындап жаңа тұрпатты тәуелсіз мемлекет құрдық. Алыс-жақындағы алып елдермен саяси-әлеуметтік, экономикалық және рухани қарым-қатынасты жолға қойдық. Бұл, әрине, бір ауыз сөзбен түйіп айтуға ғана оңай. Әйтпесе, тәуелсіздіктің осы ширек ғасырында қаншама қиындықтар, шиеленістер, күрмеуі қиын әлеуметтік және ұлттық мәселелермен бетпе-бет келгенін іштеріңіз сезеді. Сол бір қиын кезеңдерде көшімізді сүріндірмей, осы кезге дейін жеткізген ел Президентінің мықты саясаты екенін баршамыз жан жүрегімізбен сезіндік, сезініп те келеміз.

Біз қақпа-тереземізді жауып алып, есігін іштен іліп отырған халық емес екеніміз айдан анық. Елбасы алғашқы сәт-сағаттардан бастап-ақ жаңа даму жолына түскен елдің көшін алыс-жақын елдермен тығыз қарым-қатынас және бейбіт өмір сүруге бағыттады. Төрт тараппен еркін байланыс орнатып жатқан соң жаһандану дәуірімен бірге келген сан түрлі құбылыстардан бас тарта алмаймыз. Сондай кездері, рас, түрлі діни ағымдар мен ұлттық жадымызға, жан дүниемізге қайшы келетін келеңсіздіктер дендеп еніп кетті. Мұндай жағдайларға қарсы тұратын Елбасымыз айтқан – ұлттың рухани коды болып табылады.

Ұлттың рухани коды дегеніміз не? Соған орай жеке тоқтала кететін болсам, ол – сан ғасырлық тарихи тамырымыз, мирас болып келе жатқан атамұра өнеріміз, өзге елден ерекшелеп тұратын дәстүр-салтымыз, әдет-ғұрпымыз, тілдік ерекшелігіміз, діни ұстанымымыз, білім-ғылымымыз, қоршаған ортамыз, отбасы-ошағымыз болып табылады. Елбасымыз бағдарламаға құрылған мақаласында ендігі жерде біздің дамуымыздың негізгі бағыттары болатын алғышарттарды нақтылап көрсетті. Соның ішінде Елбасымыз «Халқымның тағылымы мол тарихы мен ежелгі заманнан арқауы үзілмеген ұлттық салт-дәстүрлерін алдағы өркендеудің берік діңі ете отырып, әрбір қадамын нық басуын, болашаққа сеніммен бет алуын қалаймын!» деп кесіп айтқан болатын. Сондықтан да, Ұлттың рухани жаңғыруы дегеніміз жарқын болашақтың кепілі!

Ұлттың рухани жаңғыруы – адам баласының оның ішкі әлемінің жаңаруы, сана-сезімі, жаңа өзгерісті қабылдай білуі болып табылады.

Ұлттың рухани жаңғыруында өркениеттің өрге жүзуімен байланыстырамыз. Тарих сахнасына көз жүгіртсек, өскен ұлттың өрби түсуіне осы «ұлттың рухани жаңғыруы дәлел» болып келеді. Көне замандағы көрікті қалаларымыз, сән салтанатты…