Ұлттық киімдерді көркемдік-сәндік безендіру жоспары

Сабақ жоспары

Хасенова Ж.Ж., арнайы пәндер оқытушысы (Ә.Мусин атындағы Балхаш гуманитарлы-техникалық колледжі)

Пән: Конструкциялау және модельдеу технологиясы Тақырып: Ұлттық киімдерді көркемдік-сәндік безендіру. Мақсаты: Ұлттық киімдерді көркемдік-сәндік безендіруді студенттерге үйрету. Білімділік: білімнің беріктігін орнықтыруды қамтамасыз ету және іс-әрекет, әдіс-тәсілдерін жетілдіру, студенттерге ұлттық киімдерін, ою-өрнектердің элементтерін компьютер арқылы жүйелі құрудың әдіс-тәсілдерін үйрету. Дамытушылық: теориялық білімдерін іс жүзінде шығармашылықпен дамыту, қазақтың ұлттық киімдері туралы алған білімдерін, дағдыларын нығайту. Өнерге қызығушылығын дамыту. Тәрбиелік: ұлттық өнерге деген қызығушылығы, эстетикалық сезімін арттырып, еңбексүйгіштікке, іскерлікке тәрбиелеу, әсемдікке баулу, өнерге, ұқыптылыққа тәрбиелеу.

Көрнекілік: слайдтар, тірек схема, дайын киім үлгілері Құрал-жабдықтар: компьютерлер, проектор, дайын тігін бұйымдар, әшекей заттар Типі: аралас

Сабақ барысы: І. Ұйымдастыру бөлімі: Сәлемдесу. Отырудың қажеті жоқ. Мен сендермен терминологиялық сергіту минутын жүргіземін. Берілген тапсырманы дұрыс орындаған жағдайда отырасындар. Сендердің алдарында қазақ ұлттық киімінің бір түрі жатыр. Сол киімнің анықтамасын білесіңдер ме, соны тексерейік. Тапсырма: тақтадан анықтаманы өз іштерінен оқып, егерде сендердің алдыларыңдағы киіміге сәйкес келсе, онда үндемей отыруға болады. Слайд: «Ақыл бастан шығар, өнер жастан шығар» деген сөзбен осы сабағымды бастағым келеді. Бар білімдерін, өнерін, шығармашылық қабілеттерін бүгінгі сабаққа ортаға саласындар деп үміттелемін.

Біз сабақты ерекше бастадық, әрі қарай сондай ерекше, қызықты түрінде өткіземіз деп ойлаймын. Бүгін сабақта ұлттық киімдерді безендіру тәсілдерімен танысамыз, компьютерде жаттығуларды жасап үйренеміз, сендердің шығармашылық қабілеттеріңді көрейік. Сендер бүгін жақсы қатысып отырсаңдар, әр қайсысың бірнеше баға аласындар. Сендердің алдыларыңда қазақ киімдерінің барлық түрлері жатыр ма? Естеріңе өткен тақырыпты түсірейік. ІІ. Өткен тақырыпты қайталау:

3 топқа бөлініп отырсыңдар. Үй тапсырмасына өткен сабақ бойынша сұрақтар құруға берген болатынмын. Қазір сендер топтың ішінде 1 минутта дайындаған сұрақтарды оқып, ішінен маңызды, керекті сұрақтарды жинақтайсыңдар. Әр топ бір сұрақтан қарсы отырған топқа қояды, берген жауабына баға береді. «5»-тік жүйе бойынша бағалайсындар. Сұрақтар қайталанбау керек. Әр жауап берген үшін мынандай жетон беріледі: қызыл жетон толық жауабы болса, көк жетон – толық емес. Слайд: бойынша сұрақ: - Қазақ халқының ұлттық киімінің мәдениетін сақтауымыз міндетті ме? - Ұлттық киімнің болашақта дамуы керек пе? Осы сұрақтар бойынша ұстаздар мен студенттер арасында сұрақ- жауап өтті. Қорытындысын оқытушы диаграмма арқылы көрсетеді (слайд). Жетондарды есептеу. Қорытынды.

ІІІ. Жаңа тақырыпты түсіндіру Осы алдарыңдағы жатқан ұлттық бұйымдар безендірілген ба? Немен, қандай әшекей бұйымдарымен? Әшекей бұйымдардың толық ассортиментін айтып кеттік па? Осымен бүгінгі тақырыпқа көшейік (дәптерге жазғызу).

 Әшекей туралы тақырыпты 2-ші курста өттік. Үйде қайталап келіңдер дегенмін. Тапсырма: әр топқа бір парақ кағаздан беремін, әшекей түрлерін жазып беру – 1 минут ішінде.  Қағаздарымен ауысып, басқа топ тексеріп, толықтырады – 30 секунд  Слайд: Келесі топ – экран арқылы тексереді. Жұмыстарын талдау. Әрлеудің әр қайсына тоқталып өтемін, осы

слайд арқылы түсіндіремін. № 2 слайд «Киімдегі әшекей бұйымдар»

Слайд: Кезінде өнертанушы В.Чепелев “Қазақтар тек ою- өрнек әлемінде өмір сүретін сияқты” деп атап көрсеткен. Слайд: Ою-өрнек ежелден келе жатқан өнер. Асыл мұра болып саналады. Әрбір халықтың өзіне тән ою-өрнектері баршылық, қай халықтың да мәдениетіне көз салсақ, халықтың эстетикалық талғамы дамуы ою-өрнекпен байланысты. Сонымен бірге ол халықтың тарихы, таным түсінігі, өмір салты, түйсік-тағылымы туралы мағлұмат та береді. Ерте замандағы адамдар ою-өрнек арқылы өз ойын тасқа, ағашқа ойып, қашап түсіріп отырып, ұзатылған қыз өз жағдайын ата- анасына хабарланған.