Ұлттық ойын – халық қазынасы, 3 сынып тәрбие сағаты

Сабақтың тақырыбы: Ұлттық ойын – халық қазынасы

Сабақтың мақсаты: Ұлттық ойын түрлерімен таныстыру, ұлттық ойындар арқылы оқушының өз ұлтының әдет-ғұрпына, салт дәстүріне деген қызығушылығын ояту.

Ұлттық ойындарды насихаттай отырып, ойын түрлерімен балалардың күштілік,

ептілік, жылдамдылық, икемділік қасиеттерін дамыту.

Ұлттық ойындар арқылы балалырды адамгершілікке, сыйластыққа,

ауызбіршілікке тәрбиелеу.

Сабақ әдісі: аралас сабақ

Сабақ көрнекілігі: ойынға керекті нәрселер, ұлттық ойынға байланысты суреттер, рефераттар.

Сабақтың барысы: I. Ұйымдастыру

II.Сәлемдесу.

-Қайырлы күн!

-Бүгінгі біздің ашық сабағымызға қош келдіңіздер.

-Мұғалімнің сөзі:

Сабақтың тақырыбымен таныстыру: Ұлттық ойын – халық қазынасы.

Бүгінгі біздің ашық сабағымыздың мақсаты:

-Ұлттық ойын дегеніміз не?

-Ұлттық ойын түрлерімен танысу.

-Ұлттық ойындардың тәрбиелік мәні және оны насихаттау.

Ұлттық ойын туралы балалар түсінігін тыңдау.

1-оқушы: Ұлттық ойын – салауатты өмір салтын мұрат тұтқан арманшыл, елі мен жерінің қамын ойлайтын, ұлтқа тән барлық қасиетті қадір тұтатын, дара тұлға-жаңа адамды тәрбиелеп шығарудың құралы.

2-оқушы: Ұлттық ойындарды қолданудың негізгі мақсаты бала бойындағы дене күшінің сапалық қасиеттерін дамытып жетілдірумен қатар, оның мінез-құлқы мен адамгершілік қабілеттерін сәби кезеңнен тәрбиелеуге ұлттық ойындардың пайдалы ықпалы зор.

3-оқушы: Ойнамайтын бала жоқ, ойынға қызықпайтын адам, сауық құрмайтын халық жоқ. Үлкен де, кіші де ойнап көңіл көтереді, бір нәрсеге беріле қызығады, әр жетістіктен қанағат табады.

4-оқушы: Қазақ халқының ұлттық ойындары ерлікті, өжеттілікті, батылдықты, шапшаңдықты тағы басқа қуаты молдылығын, білек күшін дененің сомданып шынығуын қажет етеді.

Мұғалім:

Біз болашақ ұрпағымызға тілімізді ғана үйретіп қоймай, салт-санамызды, дәстүрімізді мирас етіп қалдырып, ұрпақтан – ұрпаққа жалғасуына жағдай жасауымыз қажет.

-Неге біз бұл ойындарды ұлттық деп атаймыз?

-Қазақтың салт дәстүріне жатады, ұлттық киім киіледі, ұлттық тойларда ойналады.

Мұғалімнің сөзі:

Қазақ халқы ұлттық ойындарына бай халықтардың бірі.

Бірақ ол ертеде ауызекі туып, жалпақ жұртқа ауызекі таралып отырған. Сондықтан көпшілігі бүгінгі күнге жетпей ұмыт болып кеткен.

Қазақ ұлттық ойындары елдің өмірімен тығыз байланысты. Сондықтан оның тәрбиелік маңызы аса жоғары, әрі құнды. Қазақтың ұлттық ойындары шамамен алғанда осыдан бес мың жылдар бұрын ойналған. Ойын дегеніміз – адамның ақыл-ойын дамытатын, қызықтыра отырып ойдан-ойға жетелейтін, тынысы кең, алысқа меңзейтін, қиял мен қанат бітіретін ғажайып нәрсе.

Ал енді балалар, бүгінгі сабағымызды ойын түрінде жүргізейікші. Енді біз үш топқа бөлінейік

Берекеде осында

Мереке де осында

Болып жатыр той думан

Қырандардың қасында

Көңіл қойып қараңыз

Жалындап тұр ғой баламыз

Жарысып міне тұр үш топ

Қол соғып қарсы аламыз.

Әр таңды бақытпенен атырамыз.

Өнерді ой көгінде бақылаңыз,

Сайысқа қатысуға енді ортаға

1-топ атынан «Достық» тобын,

2-топ атынан «Құлагер» тобын,

3-топ атынан «Қыран» тобынортаға шақырамыз.