Ұлттық ойын – халық қазынасы тәрбие сағаты

Сабақтың тақырыбы: Ұлттық ойын – халық қазынасы Сабақтың мақсаты: Ұлттық ойын түрлерімен таныстыру, ұлттық ойындар арқылы оқушының өз ұлтының әдет-ғұрпына, салт дәстүріне деген қызығушылығын ояту.

Ұлттық ойындарды насихаттай отырып, ойын түрлерімен балалардың күштілік, ептілік, жылдамдылық, икемділік қасиеттерін дамыту. Ұлттық ойындар арқылы балаларды адамгершілікке, сыйластыққа, ауызбіршілікке тәрбиелеу.

Сабақ көрнекілігі: ойынға керекті нәрселер, ұлттық ойынға байланысты суреттер, рефераттар.

Сабақтың барысы:

I. Ұйымдастыру II.Сәлемдесу.

Жүгізуші:

Армысыздар, ұстаздар, ата – аналар, қонақтар! Бәріміздің асыға күткен Наурыз тойымыз келіп жетті. Наурыз тойымыз құтты болсын! Ұлыстың ұлы күні деп аталған Наурызда денсаулықтарыңыз мықты болсын, тілектеріңіз қабыл болсын!

Қадірлі жиналған қауім, ата – бабадан жеткен халқымыздың тамаша жоралғылары мен дәстүрлеріне, соның ішінде ұлттық ойындарына құлақ салалық, зердемізге түйіп, келер ұрпаққа мұра етіп қалдыра алсақ, қандай ғанибет болар еді. «Наурыз» күн мен түн теңеліп, жердегі көкке жан бітіп, жан – жануарлар төлдеп, адамдардың ауызы аққа тиетін, тоң жібіп, Жер – Ана бусанатын, қыстан аман шыққан шаруа адамының арқасы кеңіп, қолынан айыр – күрегін тастамайтын, ерекше күн деп саналған.

1-оқушы:

Уа, ағайын халайық,

Мұнда назар салайық!

Мерекесі халықтың

Наурыз тойы бастайық!

2-оқушы:

Наурыз айы келгенде,

Күн шуағы шашылып.

Жылғалардан су ағып,

Ақ әжелер құлпырып.

Наурыз көже пісіріп,

Қонақтарға тартамыз.

3-оқушы:

Елім менен жеріме,

Ырысын шашқан Наурыз.

Күлімдеген көктемге,

Шуағын шашқан наурыз.

Жеті түрлі дән салып,

Дәм татқызған наурыз.

Жақсылық тілеп халыққа,

Молшылық әкелсін наурыз.

- Балалар қазір қандай мезгіл? (Көктем)

- Көктем мезгілінде неше ай бар? Қандай (3 наурыз,сәуір, мамыр)

- Наурыз айы туралы не білеміз?

- Қандай мерекелер болды?

- Жарайсыңдар, Наурыз тойын қалай тойлайды?

- Ұлттық ойын дегеніміз не? слайд

Слайд арқылы ұлттық ойындар туралы түсінік беру.

1-оқушы: Ұлттық ойын – салауатты өмір салтын мұрат тұтқан арманшыл, елі мен жерінің қамын ойлайтын, ұлтқа тән барлық қасиетті қадір тұтатын, дара тұлға-жаңа адамды тәрбиелеп шығарудың құралы.

2-оқушы: Ұлттық ойындарды қолданудың негізгі мақсаты бала бойындағы дене күшінің сапалық қасиеттерін дамытып жетілдірумен қатар, оның мінез-құлқы мен адамгершілік қабілеттерін сәби кезеңнен тәрбиелеуге ұлттық ойындардың пайдалы ықпалы зор.

3-оқушы: Қазақ халқының ұлттық ойындары ерлікті, өжеттілікті, батылдықты, шапшаңдықты тағы басқа қуаты молдылығын, білек күшін дененің сомданып шынығуын қажет етеді. Мұғалім:

Біз болашақ ұрпағымызға тілімізді ғана үйретіп қоймай, салт-санамызды, дәстүрімізді мирас етіп қалдырып, ұрпақтан – ұрпаққа жалғасуына жағдай жасауымыз қажет.

-Неге біз бұл ойындарды ұлттық деп атаймыз?

-Қазақтың салт дәстүріне жатады, ұлттық киім киіледі, ұлттық тойларда ойналады.

Би: Ұлдар биі

Мұғалімнің сөзі: Қазақ халқы ұлт ойындарына бай халықтардың бірі. Бірақ ол ертеде ауызекі туып, жалпақ жұртқа ауызекі таралып отырған да, сондықтан көпшілігі бүгінгі күнге жетпей ұмыт болып кеткен. Қазақ ұлттық ойындары елдің өмірімен тығыз байланысты. Сондықтан оның тәрбиелік маңызы аса жоғары, әрі құнды. Қазақтың ұлт ойындары шамамен алғанда осыдан бес мың жылдар бұрын ойналған. Ойын дегеніміз – адамның ақыл-ойын дамытатын, қызықтыра отырып ойдан-ойға жетелейтін, тынысы кең, алысқа меңзейтін, қиял мен қанат бітіретін ғажайып нәрсе.

1.«Бүркіт» ойыны