Ұлттық ойындарды пайдаланудың тиімді жолдары 9 сынып

ҚАЗАҚСТАН РЕСПУБЛИКАСЫНЫҢ БІЛІМ ЖӘНЕ

ҒЫЛЫМ МИНИСТРЛІГІ

М.Т. Нургалиев, Г.А. Нургалиева

Оқушылардың жас ерекшелігіне сай ұлттық ойын түрлерін

пайдаланудың тиімді жолдары

ӘДІСТЕМЕЛІК ЖИНАҚ

ӘӨЖ 796.01 КБЖ 75.1 Рецензенттер: «Өрлеу» біліктілікті арттыру Ұлттық орталығы Нұр-Сұлтан қаласы бойынша педагогикалық қызметкерлердің біліктілігін арттыру институты, Білім беру процесін педагогика-психологиялық қолдау кафедрасының ЖБМ тренері, аға оқытушы Ф.Б.Ғалымжанова; «Инновация» Оқу-әдістемелік Орталығының ғылыми қызметкері, «Алтын кітап» баспасының әдеби редакторы, өнертану және пед. ғылымдар магистрі А.Д. Әшірбаева. Оқушылардың жас ерекшелігіне сай ұлттық ойын түрлерін пайдаланудың тиімді жолдары // құрастырушы авторлар: М.Т.Нургалиев, Г.А.Нургалиева – Алматы облысы, дене шынықтыру және физика пәндерінің мұғалімдері, 2021. – 48 б. ISBN 978-601-2211-05-3 Құрастырушы авторлар қазақтың көне спорт түрлері, қазақ өнері жайлы деректерді ғаламдық мәселелермен байланыстыра отырып, қызықты әдістемелік жинақ жасаған. Екі автор оқушылардың дене тәрбиесі мен салауатты өмір салтын қалыптастыруына септігін тигізетін атбегілік өнердің маңыздылығын шебер ашып көрсеткен.

ӘӨЖ 796.01

КБЖ 75.1 «Инновация» Оқу-әдістемелік Орталығының 2021 жылғы 20 қыркүйектегі №2 хаттамасына сәйкес сараптау комиссиясының шешімімен баспаға ұсынылды. ISBN © «Инновация» баспа үйі, 2021 978-601-2211-05-3

ҚАЗАҚСТАН РЕСПУБЛИКАСЫ «ИННОВАЦИЯ» ОҚУ- ӘДІСТЕМЕЛІК ОРТАЛЫҒЫНЫҢ

БАСПАСЫНА ҰСЫНЫЛДЫ

Рецензенттер: «Өрлеу» біліктілікті арттыру Ұлттық орталығы Нұр-Сұлтан қаласы бойынша педагогикалық қызметкерлердің біліктілігін арттыру институты, Білім беру процесін педагогика-психологиялық қолдау кафедрасының ЖБМ тренері, аға оқытушы Ф.Б.Ғалымжанова; «Инновация» Оқу-әдістемелік Орталығының ғылыми қызметкері, «Алтын кітап» баспасының әдеби редакторы, өнертану және пед. ғылымдар магистрі А.Д. Әшірбаева. Құрастырушы автор: Нургалиев Мустапа Турсунович Алматы облысы Іле ауданы «№17 орта мектебі» КММ дене шынықтыру пәнінің мұғалімі Нургалиева Гульнар Ахметовна Алматы облысы Іле ауданы «№17 орта мектебі» КММ физика пәнінің мұғалімі

© «Инновация» баспа үйі – 2021 жыл

Алғы сөз

Қазақстан Республикасы Білім және Ғылым Министрлігі мен Ы.Алтынсарин атындағы Ұлттық білім академиясын ұсынған 2017-2018 оқу жылына ҚР жалпы орта білім беретін ұйымдарда оқу процесін ұйымдастырудың ерекшеліктері туралы Әдістемелік нұсқау хатта: «Дарынды балаларға арналған арнайы білім беру ұйымдарында, гимназияда, мектеп-гимназиялар мен лицейлерде, мектеп-лицейлерде, жалпы білім беретін мектептерде пәндерді тереңдетіп оқыту үшін факультативтер және оқушылардың таңдауы бойынша қосымша курстарды, үйірмелер ұйымдастыру қажет делінген. Себебі, Қазақстан Республикасының зияткерлік, дене бітімі және рухани дамыған азаматын қалыптастыру қажет». Білімі мен білігі жағынан өркениетті елдердегі замандастарымен қатар тұра алатын, бойында ұлттық, отаншылдық рухы мықты қазақстандықтардың жаңа ұрпағын тәрбиелеу қажеттігі баса айтылған . Сондықтан пән сабақтарында, үйірме жұмыстарында қазақтың ұлттық ойындарын пайдаланудың тәрбиелік-танымдық маңызы өте зор.

Әлемдік өркениетте батыл қадаммен алға адымдап келе жатқан Қазақстанның бүгінгі қол жеткізген жетістігі, биік абыройы көңіл қуантады, шабытыңды шарықтатады. Халқымыздың аяулы перзенттерінің бірі, жан-жақты талант иесі Ш.Уәлиханов «Әрбір халықтың өркениетті ел болуы үшін азаттық пен білім керек» - деген екен. Азаттығын алған, еңсесі биік елміз. Ендігі мақсат – Мәңгілік Ел болып, өркениетті озық елдердің қатарында тұрақты орын табу.

Осындай ізгі ниеттермен тарихымызды саралап, ұлыларымызды ұлықтап, есімдерін жарыққа шығарып, олардың шығармаларын зерделеп, әлемге мақтаныш сезіммен паш етіп жатырмыз, ұлттық құндылықтарымызды, рухани жауһарияттарымызды жаңғыртып, жаңа заманға лайықтап үйлестіріп жатырмыз. Өйткені біз әлемдік өркениеттің төрінен тұрақты орын табу үшін ұрпақтар сабақтастығын жалғастыру ұшін ұлттық мәдениетке басымдық беру керектігін түсініп жеттік. Осы орайда, мен қазіргі жаңа педагогикада ұлттық ойын түрлерін жаңа технологиямен ықпалдастыра сабақта қолдану туралы сіздермен ой бөліспекшіміз.