Ұлттық құндылықтар оқушы тәрбиесінің негізі 6 сынып

«Алматы облысы білім басқармасының Еңбекшіқазақ ауданы бойынша білім бөлімі»

мемлекеттік мекемесінің «Көлді орта мектебі» коммуналдық мемлекеттік мекемесі

6 «Ә» сынып жетекшісі

Аманбекова Гулжан Тұрлықожақызы

«Ұлттық құндылықтар –

оқушы тәрбиесінің негізі»

атты жоба

Жобаның бағыты

Ұлттық тәрбие

Қазақы мінез, қазақы рух, қазақы менталитет, қазақы тәрбие деген қасиетті сөздерімізді үлкен мақтанышпен сөз қылып айтып жүрсек те, осы ұлтымыз үшін маңызды ұғымдардың түпкі мағынасы өзгеріп, тек сөз күйінде қоданыста қалғандай сезім болады. Біле білсек, қазақы құндылықтарды ішкі мәнін терең түсініп, болмысымызға айналдырып, құнды қасиетімізді бойымызда дамыта білсек, әлемді таңғалдырарлықтай қазақ халқында мол рухани қазына, сарқылмас рухани қуат көзі жатыр. Ұлттық құндылықтарымыз -ұлтымыздың мәңгілік қорғаушы шамшырағы.

Жобаның мақсаты мен міндеттері

Мақсаты: жеке тұлғаны жалпы адамзаттық және ұлттық құндылықтарға, мемлекеттік тілге, Қазақстан халқының мәдениетіне құрмет көрсетуге бағыттау. Оқушылардың білімі мен жан жақты ойлау қабілеті мен ой ұшқырлығын сынау. Білімдерін дамыту, шығармашылыққа баулу, өз ойын еркін жеткізе білу дағдыларын қалыптастыру, жан жақты дамыған, ұлттық мәдени құндылықтарды дәріптейтін азамат тәрбиелеу.

Өзектілігі: бүгінгі таңда қазақ жастарының тәрбиесі ел болашағын кемелдендіруде елеулі рөл атқарады. Біздің қоғам үшін ұлттық құндылықтардың ұрпақ санасында қалып, олардың дәріптелуі маңызды. Сол себепті осы жобаның өзектілігі бүгінгі күнмен тығыз байланысты деп сеніммен айта аламыз.

Жобаның сипаттамасы: бұл жобада оқушы тәрбиесі, яғни әлеуметтік мәселе мен мектептегі өмір бір арнада тоғысады. Нақтырақ айтсақ, оқушы тәрбиесіндегі ұстаздың қосар үлесі мен ұлттық құндылықтырдың жас ұрпақта сақталып қалуы талқыланады.

Ұлттық тәрбиенің мақсаты – ұлттық сана-сезімі қалыптасқан, ұлттық мүдденің өркендеуіне үлес қоса алатын ұлттық құндылықтар мен жалпы адамзаттық құндылықтарды өзара ұштастыра алатын ұлтжанды тұлғаны тәрбиелеу.

Ұлттық тәрбиенің міндеті – мәдени-әлеуметтік өзгермелі жағдайдағы ұлттық тәрбиенің діңгегі – ана тілі болып қалатынын негіздеу, қазақ тілі мен тарихын, мәдениеті мен ділін, салт-дәстүрі мен дінін құрметтеуде жастардың ұлттық интеллектуалдық мінез-құлқын қалыптастыру, бүгінгі қазақ елінің индустриалық-иннова­циялық жүйесінің дамуын қамтамасыз ететін парасатты, ұлттық сипаттағы белсенді іс-әрекетке тәрбиелеу, білім және мәдени-рухани тұрғыда басқа өркениеттермен бәсекеге қабілетті болуын қамтамасыз ету, қоғам мен адам, адам мен табиғат қарым-қатынасының өркениеттілік сана-сезімін ұлттық рухта қалыптастыру.

Ұлттық тәрбиенің мақсаты мен міндеттері

Ұлттық тәрбие

Тәрбиенің түп қазығы үлгі берер ұстазда, «Ұстазға қарап шәкірт өсер» деп халқымыз ұстазға үлкен жүк артқан. Ал қазіргі таңда халқымызды болашақ ұрпақ тәрбиесі алаңдататыны бәрімізге аян. Сол себепті оқушыларға жүргізілетін сабағымды ұлттық мәдени құндылықтармен ұштастыруды жөн деп санадым.

Қазақ халқы рухани зор байлықтың мұрагері. Қазақ халқының қалыптасуы-бірнеше кезеңдерден өткен. Ұлттық тәрбиенің көздері фольклор, ауыз әдебиеті, ұлттық әдебиет, әдет-ғұрып, салт-дәстүр, ұлағатты қағидалар, шешендік сөздер, өнеге өсиеті бар мақал-мәтелдер, туған топырағымызда дүниеге келген ойшыл ғұламаларымыздың еңбектерін­дегі тәрбие қағидалары болып табылады. Сонымен бірге отбасы тәрбиесінің ұлттық ерекшеліктері, туыстық қарым-қатынас, жеті ата туралы түсінік, перзенттік парыз бен қарыз, ұлттық намыс, ұлттық сана-сезім, ұлттық адамгер­шілік, отансүйгіштік, еңбексүйгіштік қасиет­тері, ізгілік сынды тағы басқа сапалық бел­гілер ұлттық тәрбие­нің негізгі көрінісі болады.

Қысқаша айтқанда, ұлттық тәрбие – ұлттық сана-сезімі жоғары болашақ жастарды тәрбиелеуге негізделген білім беру жүйесінің құрамдас бөлігі. Ұрпақты тәрбиелеуде баланы адамгершілік мұратқа ерте бастан баулу оның отбасынан басталып, мектеп қабырғасында жалғасын табады.Ұрпақтан-ұрпаққа беріліп отыратын дәстүрлер мен ізгі мұраттар тек отбасында ғана дамып, байытыла түседі. Яғни әр халық ғасырлар бойы сыннан өтіп, сұрыпталған озық салт-дәстүрлерін жас ұрпақты тәрбиелеуде пайдаланып келген. Ол ананың бесік жырынан басталып, адамның жер қойнауына берілгенге дейінгі өзі көріп білген салт-дәстүрлер, әдет-ғұрыптар барлығы да адамның дүниетанымын қалыптастыратын өмір сабақтары.