Жалпыадамзаттық құндылықтар отбасы тәрбиесінің негізі

Ата-аналар жиналысының жоспары

Мектеп: Оңғар орта мектебі КММ

Мерзімі: 04.04.2018жыл

Класс: 7-9 класс

Ата-аналар :14

Мұғалім: Танзенова Гульбаршин Кушалиевна

Тақырыбы: «Жалпыадамзаттық құндылықтар отбасы тәрбиесінің негізі»

Мақсаты:

Ата-аналарға отбасы – тәрбиенің негізі Жалпыадамзаттық құндылықтан туындайтынын ұғындыру.

Міндеттері:

Ата-аналарға рухани-адамгершілік білім беру бағдарламасының психологиялық – педагогикалық негіздерінің маңыздылығын түсіндіру.

Жалпыадамзаттық құндылықтарды басшылыққа алуда үлгі бола білу қажеттілігін ашу.

Ата-аналарға құндылықтарды ашу тәрбиедегі кедергілерді жоятындығын ашып айту.

Жоспар (жоспардың әрбір пунктін 3-5 сөйлеммен ашу)

«Өзін-өзі тану» рухани-адамгершілік білім беру бағдарламасының психологиялық-педагогикалық негіздері.

«Өзін-өзі тану» рухани-адамгершілік білім беру бағдарламасының аксиологиялық негіздері.

«Өзін-өзі тану» рухани-адамгершілік білім беру бағдарламасы бойынша ата-ана тәрбиесінің рөлі, ұлдар, қыздар тәрбиесі.

Ресурстар:

Музыкалық композиция «Хрустальная грусть»,

Ата-аналарға сауалнама

Талдау

Ата-аналарға арналған кіріс 2 күн бұрын сауалнама алынды.

Тыныштық сәті «Нұрға бөлену»

Дәйексөз «Жүректен шыққан сөз- жүрекке жол табады»

Науай - Неліктен біз барлығын жүрегімізге бағындырамыз?

Кіріспе: Қазақстан Республикасының Президенті Н.Ә.Назарбаевтың Қазақстан халқына Жолдауында (27.01.2012ж) былай делінген

«...Оқыту үдерісінің тәрбиелік құрамдасын күшейту қажет.Олар -патриотизм, мораль мен парасаттылық нормалары, ұлтаралық келісім мен толеранттылық, тәннің де, жанның да дамуы, заңға мойынұсынушылық.Бұл құндылықтар меншіктің қандай түріне жататынына қарамастан, барлық оқу орындарында да сіңірілуі тиіс. Біздің жастарымыз үшін өмір қажеттілік.» Слайд1

1.«Өзін-өзі тану» рухани-адамгершілік білім беру бағдарламасының психологиялық-педагогикалық негіздері.

Президент тарапынан қойылған міндеттерді шешу көп ғасырлық халық педагогикасына және балаларды жалпыадамзаттық құндылықтарға оқытудың әлемдік тәжірибесіне негізделген ҚР білім беру жүйесінде лайықты орын алған Назарбаева Сара Алпысқызының рухани-адамгершілік білім беру жобасымен үндеседі.

Әлемдік білім кеңістігінде «Өзін –өзі тану» рухани-адамгершілік білім беру Бағдарламасының баламасы жоқ. Ол балалар мен жастарға рухани-адамгершілік білім берудің барлық деңгейлерінде үздіксіздік пен сабақтастықты қамтамасыз етеді.

2010-2011 оқу жылынан бастап Қазақстанда «Өзін-өзі тану» пәнін жаппай енгізу жүзеге асырылуда.Ол білім беру ұйымдары оқу жоспарларының инвариантты бөліміне қосылған. «Өзін-өзі тану» пәні адамға шынайы бақытқа, өмірлік қанағаттану мен ішкі тыныштыққа жетуге мүмкіндік береді, мінездің кемелденуін және тұтас үйлесімді тұлғаның дамуын қамтамасыз етеді.

О. Гадецкийдің тұжырымдамалары:

-Бізде зәулім сарайлар,үйлер көбейді,бірақ бақытты отбасы аз...

-Бізде барлық жағдай жасалған,сонда да уақыт жетпейді...

-Сыртқы өмірде неткен көп нәрсе, жүректе ештеңе жоқ... Слайд 2

Біздер рухани тұрғыдан дағдарысқа ұшырадық, рухани аштыққа тап болдық күнделікті өмірде тыныштық, жауапкершілік, үйлесімділік,шыдамдылық,жанашырлық жетіспейді.

Осының барлығы адамдардың рухани –адамгершілік құндылықтарының жоғалтуының зардабы.

Ата-аналарға:

- бұл дағдарыстардан шығу жолы қандай?

- әр азамат рухани кемелденуі қажет.

- әр адам өзінен бастау керек.

-ең бірінші адамның жан дүниесі өзгеруі керек.Барлық дағдарыстың себебі - адамдардың рухани – адамгершілігінің төмендеуі. Үш дағдарысты ойлай келе, адамның санасын өзгерту керек.Сананың құрылымы. Сананы тазарту.Білім беру, ойлау және түсіну үдерісі-олардың бәрі сананың ішінде болады. Санаға бес сезім мүшесі әсер етеді. Ақпарат бес сезім мүшесі арқылы түпкі санаға келіп түседі. Слайд3 Біздің санамызды қалай тазарту керек?(стакандағы сумен мысал келтіру) Егер стакандағы судың бәрін бірден төгіп тастауға болмаса,ондағы лас суды қалай тазарту керек?

Жауабы: кранның астына қойып ішіне таза суды құямыз.

Аялы алақанға байланысты мен бір өсиет әңгімеге тоқталғым келеді.

Өсиет әңгіме.

Жағдайлы бір отбасы баласын ешкімнен кем өсіргісі келмей барлық жағдайын жасайды. Қазіргі заманның озық технологиясымен жасалынған ойыншықтар, компьютер, тіптен қымбат телефонды да алып береді. Бірақ баласы осының бәріне қанағаттанбай, күнде ата-анасының жұмысқа кетпеуін өтінеді. Ата-анасы жұмысқа бармаса болмайтынын, ақша табатынын баласына түсіндіреді.

Ал, баласы осы сәтте ата-анасының күніне қанша ақша табатынын сұрап біледі.

Бала сол күннен бастап ата-анасының өзіне тастап кетіп жүрген ақшасын жұмсамай жинай бастайды. Жинаған ақшасы ата-анасының бір күндік табысына жеткен күні бала ата-анасына өтініш жасайды.

— Әке, ана! Бүгін жұмысқа бармай бір күндеріңізді маған қиыңыздаршы.

Бір күнгі табыстарыңызды мен төлейін депті.

1.Баланың тілегі қандай?

2. Сіздер балаларыңызға қандай қамқорлық жасап жүрсіздер?

Міне, ата-ананың аялы алақанының әсері балаға күн сәулесімен бірдей, мұны басқа ешбір нәрсе ауыстыру мүмкін емес.

2.«Өзін-өзі тану» рухани-адамгершілік білім беру бағдарламасының аксиологиялық негіздері.

Аксиология (грек тілінен аударғанда ) акcио-құндылық, логос-ілім – «құндылық» категориясын зерттейтін философия саласы.

Философиялық тұрғыдан алғанда құндылық дегеніміз – жалпы қоғам үшін, адам үшін ең қадірлі, ең қасиетті нәрсе туралы түсінік. Ең тиімді құндылықтар жүйесінің жіктемесін ғалым Т.И.Петракова ұсынған, ол құндылықтарды үш түрге: табиғи , жүре пайда болған және абсолюттік деп бөлген. Абсолютттік жалпыадамзаттық құндылықтар-ол уақытқа бағынбайтын, белгілі бір адамдардың шеңберіне тәуелді емес, бүкіл адамзат үшін маңызды құндылықтар. Адамның жаны тыныш болса, отбасында татулық орнайды Отбасында тыныштық болса, қоғамда татулық орнайды Қоғамда тыныштық болса, мемлекетте татулық орнайды Мемлекетте тыныштық болса, бүкіл әлемде татулық орнайды. Слайд4

Адам (мен)Жалпыадамзаттық құндылықтарды жарыққа шығарғанда табиғи және жүре пайда болған құндылықтар қасиет болып шығады.

Адам ақиқатты танып,дұрыс- әрекетпен, риясыз сүйіспеншілікпен сусындап, ішкі тыныштыққа қош адам жақсылық жасайды.

Ақиқат, дұрыс әрекет, риясыз сүйіспеншілік, ішкі тыныштық, қиянат жасамау - бұл мәңгілік бес құндылық адамның ұлтына, нәсіліне, ортасына, дініне қарамайтын, уақытпен өзгермейтін құбылыс.