Ұлттық құндылықтарды дәріптеу сабағы, 4-сынып

Тақырыбы: Ұлттық құндылықтарды дәріптеуМақсаты: Оқушыларды ұлттық құндылықтарды құрметтеуге тәрбиелеу, ұлттық құндылықтар — біздің тіршілігіміз, бабаларымыздан қалған асыл мұра екенін түсіндіру.Көрнекілігі: қанатты сөздер, қолөнер бұйымдары, асық,аудиожазбалар.Түрі: танымдық кешӘдісі: сұрақ- жауап, пікірлесу.Барысы:1. ҰйымдастыруШаттық шеңбері,топқа бөлу. Домбыра ,Қобыз суреттері арқылы пазл жинап екі топқа бөлінедіМұғалімнің кіріспе сөзі

Менің елім — Қазақстан! Бұл әрбір дала перзентінің көкірегінде мақтанышпен айтатын сөзі— «Әрбір ұлттың баласы өз ұлтының арасында өз ұлты үшін қызмет қылатын болғандықтан, тәрбиелі баланы сол ұлт тәрбиесімен тәрбиелеуге міндетті» деп Мағжан Жұмабаев атамыз жазғандай, бүгінгі оқушы – егеменді еліміздің ертеңгі болашағы екенін ескерсек, « сіздердің қоғамның тұлғасы болар білімді, тәрбиелі, мәдениетті, ұлтжанды азаматтар шығатынына сенімдімін.Әрбір мемлекет рухы таза , санасы биік білімді де, білікті ұрпағынан қуат алады.Сондықтан қатардағы пендені нағыз толыққанды тұлғаға айналдыру үшін ұлттық құндылықтар арқылы тәрбие берудің маңызы зор.Ой толғаныс.-Құндылық дегеніміз не?Оқушылар өз ойларын айтады

Бір ұлтты екіншілерінен ерекшелендіріп тұратыны оның: тілі, рәміздері,ертегілері, мақал-мәтелдері, лиро-эпостық және батырлар жырлары, әдет- ғұрпы, салт-санасы, менталитеті, мәдениеті, өнері, тағамдары, ұлттық қолөнері, тұрмыстық бұйымдары, ұлттық ойындары, т.б. өзгелерге ұқсамайтын қасиеттері. Осылардың бәрі – ұлттық құндылықтарға жатады. Ұлттық құндылықтарды әр ұлттың ата-бабалары өздерінің өмір сүру салтына байланысты шығарып, пайдаланып, дамытып ұрпақтарына мұра етіп қалдырып отырған. Сондықтан ұлттық құндылықтар сол ұлттың меншігі болып есептеледі. Оны әр ұлттың ұрпақтары сақтап, заманына қарай дамытып отырулары керек. Егер халық өздерінің ұлттық құндылықтарын жоғалтып алса, ол халық – «ұлт» деп саналмайды. Сондықтан әр ұлт өздерінің ұлттық құндылықтарын сақтауға тырысады, әрі қорғайды.

1.«Жыр думан» Тіл тарихы – ел тарихы, тіл тағдыры – ел тағдыры. Ұлттық құндылығымыздың бастауы – тіліміз. Тіл жоқ жерде ұлт та жоғалады. Тіл- бөбектің үні, тіл-ананың әлдиі,тіл-бесік жыры. Ғасырлар бойы атадан балаға мирас болып келген асыл қазына- тіл, мемлекеттігіміздің тұлғасы, тәуелсіздігіміздің тұғыры. Тәлім-тәрбие тілден басталады. Олай болса тілге құрметпен қарау-рухы мықты, өткенімізді саралап, болашағымызды болжай білетін ұрпақ тәрбиелеу.Сіздердің тілге деген көзқарастарыңыз қандай? Өлең,тақпақ айту.

2. «Ойлан,тап» Сөзжұмбақ шешу. «Әдептілік», «Әдемілік»