Ұлттық құндылықтарды жаңғырту туралы мақала

«Өрлеу» БАҰО АҚ филиалы

Алматы облысы бойынша ПҚ БАИ

«Мұғалімнің кәсіби дамуын психологиялы-

педагогикалық тұрғыдан қолдау»

кафедрасының аға оқытушысы

Нурпеисова К.К.

Ұлттық құндылықтарды жаңғырту – өлкелік білімде

Ұлттық код – ұлттың бар болмыс-бітімін, санасын, ойлау психологиясының ерекшеліктерін, ұлттың қадір-қасиетін толық танытатын құндықытар. Ол - тарихтың терең тамырынан пайда болып, осы күнге дейінгі тұрмыс-тіршілікте көрініс тауып қолданыста болып жүрген ұлттық сипатымыз. Жалпы жер жүзінде жаһандану өріс алып бір ұлтты бір ұлт жойып бара жатқан дәуір болып тұр. Соны ескерген Елбасымыз: «Ұлттық салт-дәстүрлеріміз, тіліміз бен музыкамыз, әдебиетіміз, жоралғыларымыз, бір сөзбен айтқанда ұлттық рухымыз бойымызда мәңгі қалуға тиіс. Туған жер» бағдарламасы жалпыұлттық патриотизмнің нағыз өзегіне айналады»,-дейді Н. Назарбаев «Болашаққа бағдар: Рухани жаңғыру» атты бағдарламалық сипаттағы мақаласында. Аталмыш мақаласында «Туған жер» бағдарламасын қолға алу және осы бағытта қыруар жұмыс атқарудың күтіп тұрғанын қадап айтты, бағыт-бағдарын берді.Осы бағдарламада айтылған міндеттер мен бағыт-бағдардың барлығы дерлік білім саласына тікелей байланысты, оның ішіндегі мектеп пен мектепке дейінгі мекемелерден бастау алады. Себебі бұл ғасыр ғылым мен білім салтанат құрған, ғылым мен білім беру саласының процесі толығымен жан-жақты функционалдырылған уақыт болып тұр. «Туған жер» бағдарламасын жүзеге

«Туған жердің әрбір сайы мен қырқасы, тауы мен өзені тарихтан сыр шертеді» десек, сол әр сайы мен қырқасы, тауы мен өзені, тасы мен шөлі туралы, еліміздің осындай баға жетпес байлығының бізге жетуі туралы әдебиетімзде қаншама үздік туындылар, қомақты көркем еңбектер бар. Сол шығармалар арқылы еліміздің тарихына деген сүйіспеншілікті де арттыруға болады.Оқу бағдарламасында бекітілген әрбір қазақ ақын-жазушыларымыздың әрбір еңбегі осыған дәлел бола алады. Мағжанның «Түркістанын», Фаризаның «Отанын», Мұқағалидың «Үш бақытын», Сайынның «Жусан иісін», Жұбанның «Мен қазақпын» т.б. әдеби шығармаларды тереңінен оқып, жаттап өскен ұрпақтың бойында туған жерге деген сүйіспеншілікпен қатар ұлттық болмысқа, ұлттық танымға деген, тіпті, туған жер ауасын шипа деп білетін түсінік пен мінез қалыптасады десек артық айтылғандық емес.

Туған жер төрінен жырақта жүрсе де, еліне деген жүрегінің түбінде бір сағыныштың оты маздайтын, «Отанға опасыздық еткенің, өз түбіңе өзің жеткенің» деген ұстаныммен жүретін, аңғал даласын, қыр-жотасынан аңқыған жусан иісін, дархан халқын әлемнің әрбір түкпірінде жүрсе де сағынып оралатын, адалдығын сақтайтын ел перзентін тәрбиелеудің алтын кілті төл әдебиетіміздің туындыларын оқытуда жатыр.

Ұлт бірлігі – ұлы байлық. Ұлттық дамуда мызғымас ұлт бірлігі аса маңызды. Рухани дүниелер арқылы қоғамға үлкен маңыз берген бастама — ұлттық құндылықтарымызды ұлықтауға бағытталған. Ұлттық рухымызды көтеру үшін, әлбетте төл тарихымызды, тәрбиенің түп қазығы –құндылықтарымызды дәріптеу қажет. Рухани өрлеудің алтын арқауы – ұлттық код ерекшеліктерін сақтау арқылы жаңғыру. Отаншылдық рух туған жерге, туған елге деген махаббаттан басталады.

Тар жол, тайғақ кешу нәубаты таңбаланған, ата-бабаларымыз көздің қарашығындай қорғаған жердің қадір-қасиетін түсінеміз. Теңдесі жоқ туған жердің тас, топырағына дейін тағзым ететін тәуелсіз елдің рухты, өжет азаматтарын тәрбиелеп қалыптастыру оқу-білім жолындағы идеологиямен тікелей байланысты. Отаншылдықтың негізгі темірқазығы туған жерге деген махаббаттан басталады. Туған жердей жер болмас, әрине. Әркімнің өз жері өзіне жұмақ. Түркі халықтарының көне Күлтегін ескерткішіндегі «Түркінің қасиетті жер-суының қарғысына қалма!» деген сөздері тасқа қашалып, жазылғаны тегін емес. Сан алуан құпия сырға толы шежірелі жердің қасиетін жер бетіндегі толып жатқан тарихи ескерткіштер арқылы, сол…