Ұлы дала елі тақырыбына арналған екі беттік баяндама

Баяндама

Қазақ елі сан ғасырлар арман еткен Тәуелсіздікті, Желтоқсан оқиғасы жақындата түсті. Қайраттың қанымен, Ләззәттың арымен , жастардың жалынды әнімен біз 1991жылы Тәуелсіз Қазақстан атандық. Желтоқсан желінен қуат алған елімізде 1997 жылы Астана қаласы бой көтерді. Тамырын тереңге жайған бәйтерек пен еңселі ақ орда әлемді таңдай қақтырды, елдігімізді айқындап берді. Қанатты барысқа айналуды мақсат еткен еліміз Алтын адам ескерткішін тарихта қалдырды. Ұлттық рухтың қос қанаты -спорт пен өнерде Мұхтар Шаханов, Олжас Сүлейменов, Шерхан Мұртаза, Асылы Осман, Илья Ильин, Бекзат Саттарханов, Марат Жыланбаев, Бахтияр Артаев, Денис Тен, ғарышкерлеріміз Тоқтар Әубәкіров, Талғат Мұсабаев , Айдын Айымбетов көш бастап келеді.

Тәуелсіз Қазақстанды 25 жыл басқарып қазақ елін болашаққа бастаған елбасымыз Нұрсұлтан Әбішұлы Назарбаевтың елімізге жасаған еңбегі ұшан теңіз.Елбасы Нұрсұлтан Назарбаевтың жыл сайын халыққа Жолдауы жарияланып келеді. 2015 жылғы "Нұрлы жол -болашаққа бастар жол " атты жолдауы Тәуелсіздіктің 25 жылдығымен тұспа-тұс келіп отыр. Ұлы дала елінде сан түрлі ғимараттар бой көтеріп сәнімізге сән қосуда. "Жүз мектеп, жүз аурухана " бағдарламасы аясында біздің заманауи үлгідегі №7 жалпы орта білім беретін мектебі салынып , шәкіртке саналы білім, саналы тәрбие беруге үлес қосып келеді.

Тоныкөк абыздан аңыз боп, Есім хан мен Қасым хандардан жеткен сара жол қазақ елін мәңгілік елге бастайды. Күш бірігіп, ынтымаққа ұйысақ, болашағы мәнді, тарихы мәңгі елге айналамыз .

Еліміз қалай болғанда да сан ғасырлық қиын- қыстау жолдан, тар жол тайғақ кешуден өтіп, тәуелсіз елдер қауымдастығына қосылды. Отанымыз Қазақстанымыз туралы айтарымыз да мақтанарымыз да көп ақ ,! Ендігі жеңіс те ерлік те біздің қолда. Дербес болуға бағыт алған егемен еліміз- Қазақстанды көркейтетін, шаңырағын биіктетіп байытатын, абыройын асырып, өз бақытының иесі болуына қол жеткізіп отыратын білім мен білік жолын таңдаған кейінгі ұрпақтар, яғни біз жұмыла еңбек етуіміз қажет. XXI ғасырда қазақтың қасіреті аз болғай, қуанышы көп болғай!. Таяудағы жүз жылдық , әрідегі мың жылдықтарда қазақтың арманы мен мүддесін, ерлігі мен еңбегін хақ тағала баянды еткей!…