Ұлы елдің ұрпағымын шығарма үлгісі 5 сынып

Аты-жөні: Тлекқабыл Элиана Насіпқалиқызы

Ауданы: Казталов

Мектебі: Әбіш негізгі жалпы білім беретін мектебі

Сыныбы: 5

Мұғалімі : Есекенова Айнур Болатовна

Мекен- жайы: Батыс Қазақстан облысы, Казталов ауданы ,Әбіш ауылы.

«Рухани жаңғыру» сатысындағы ұлы елдің ұрпағымын!

Қазақ халқы сан ғасырлар, талай нәубетті бастан кешті! Біз, жас ұрпақ ол жылдарды көзімізбен көрмесек те, құлағымызбен естідік, кітаптардан оқыдық! Тарихымызда сан түрлі шайқастар, жоңғарлармен шайқас, патшалық Ресеймен шайқас, одан кейін Ұлы Отан соғысы сынды талай соғыстар мен шайқастарды батан кешкен халықпыз.

Бейбітшілік заманның ұрпағымыз! Тарихымыз жайында білеріміз аз, дегенменен, оқитыныма сенімдімін. Елбасымыз Нұрсұлтан Әбішұлы Назарбаев «Болашаққа бағдар: Рухани жаңғыру» атты бағдарламалық мақаласын жарыққа шығарыпты, анамның айтуынша. Анамның, ұстаздарымның түсіндіргеніне қарағанда ұққаным, біз ата-баба дәстүрін, бізден кейінгі ұрпаққа насихаттауымыз керек екен. Ол үшін біз, Абайдың өлеңдерңн жаттап, Құрманғазының күйлерін тыңдап, Әуезовтың шығармаларын оқып, Кененнің әндерін айтуымыз керек, жаттауымыз керек, солай келесі ұрпаққа жеткізуіміз керек. Анам, бала кезімде маған күнде ертегілер оқитын. Мен қазір сол ертегілерді жаттап та алдым. Бұл да рухани жаңғырудың бір көрінісі деп білемін! Ертегі, мақал-мәтелмен сусындап өссек, Төле би, Әйтеке би, Қазыбек би сынды билеріміз шыққан қазақ деген халықтың шын мәнінде шешен, батыр халық екенін танытар едік. Ертегілерді қозғаған себебім, оларда тәрбиелік мән бар, қала берді «Алпамыс батыр», «Ер Төстік» деген ертегі үлгісінде жазылған жырларымыз да біздің қандай екенімізді көрсетеді. Біз, солар арқылы бойымызға ұллтық құндылықтарымызды жиып, салт-дәстүрлерімізді де үйренуіміз керек және өзгелерге соны көрсете білуіміз керек.

Мен тәуелсіз елдің ұрпағымын. Қазақстаныммен мақтанамын. Ал, рухани жаңғыру арқылы әлемге танылсақ, мақтанышым арта бермек. Менің Отаным – Қазақстан! Мен Рухани жаңғыру сатысындағы тәуелсіз елдің ұрпағымын!