Ұр тоқпақ ертегісіне арналған оқу материалы

Мақсаты: Балалардың жыл бойына алған білімдерін бекіту.

Көрнекіліктер: сандар, ертегі кейіпкерлерінің суреттері

Сабақтың барысы:

- Балалар қазір жылдың қай мезгілі?

Балалардың жауабы

- Ал қазір қандай ай?

Балалардың жауабы.

Дұрыс айтасыңдар балалар. Балалар бүгін біз жыл бойына алған білімдерімізді қорытындылаймыз.

Ерте, ерте ертеде бір шал мен кемпір болыпты. Олар өте кедей тұрады екен. Шал аң – құс аулап, кемпірі соларды пісіріп күн көреді екен. Бір күні шал құс аулауға шығыпты, тұзақ құрыпты. Бір кезде құрған тұзаққа қаздың түсіп қалғанын байқайды. Ол жәй қаз емес, сиқырлы қаз болады.

Қаз: Тұзаққа түсіп қалдым құтқарыңдар. Атай, мені босатшы! Не қаласаң соны орындаймын. Тек босата көр!

Ата: Әй, қаз олай болса мен саған тапсырмалар беремін, Сол тапсырмаларды орындай алсаң мен сені босатамын.

Қаз: Жарайды атай. Сіз не десеңіз барлығын орындайын.Тек мені босатыңызшы.

Ата: Жарайды мен сені босатамын, олай болса менің тапсырмаларымды тыңда.

Қаз атаның тапсырмаларын орындауға келіседі.

-Балалар, қазға тұзақтан шығуға көмектесеміз бе? Атайдың тапсырмаларын орындаймыз ба?

Балалардың жауабы.

1 тапсырма: 1 – ден 20 – ға дейін тура және кері санау. Заттың санын тап.

Балалар тура және кері санайды, берілген тапсырмаларды орындайды.

2 тапсырма: Ертегідегі құстың атын ата. Сол сөзді буынға бөліп дауысты дауыссыз дыбыстарды ажырат. Сөзден сөйлем құра.

Балалар тапсырмаларды орындайды.

Сергіту сәті.

Орнымыздан тұрайық

Құстай қанат қағайық

Бір отырып, бір тұрып

Біраз сергіп қалайық.

3 тапсырма: Ертегі кейіпкерлерін және қандай ертегі екендігін табу. Ертегілерден үзінді айту.

4 тапсырма: Қазақстанның байлықтарын ата.

-Жарайсыңдар балалар, қазға жақсы көмектестіңдер, атайдың берген тапсырмасын жақсы орындадыңдар.

Балалар атайдың тапсырмаларын орындап, қазды тұзақтан шығаруға көмектеседі. Қаз болса алғыс ретінде атайға «піс қазанды» сыйға тартады.

Балалар ермексаздан «піс қазанды» мүсіндейді.

Тәрбиеші сабақты қорытындылайды, балаларды мадақтайды.

№ 59 С.Н.Шапағатов атындағы балабақша

Бекітемін:

№ 59 С.Н.Шапағатов атындағы

балабақша әдіскері

Қарабатыр И._____________

Есеп беру ұйымдастырылған оқу қызметі

Дайындаған: № 8 ересек топ тәрбиешісі:Кетебаева Г

Ақтау 2018