Ұрлық түбі қорлық тақырыбындағы ашық сабақ жоспары

М-С.Бабажанов атындағы жалпы орта білім беретін мектеп

Тәрбие сағаты

Тақырыбы: «Ұрлық түбі – қорлық»

Дайындаған: Ахметова Д.М

2020-2021 о.ж

Тақырыбы: «Ұрлық-түбі қорлық»

Сабақтың мақсаты: Құқықтық тәрбиенің өмірілік қажеттілігін оқушыларға түсіндіру. Құқықтық тәрбиенің, жігердің қоғамда маңызы зор екендігін түсіндіре отырып, құқықтық сауатқа тәрбиелеу ортасын құру, өз ойларын еркін айтуға үйрету.

Сабақтың көрнекілігі: слайд, мақал- мәтелдер.

Сабақтың құрылымдық жоспары:

І.Ұйымдастыру кезеңі

Балалармен амандасып, сабақ тақырыбын ашу

II. Негізгі бөлім

1.Ассоциация әдісі

2. Халық даналығы. Мақал-мәтелдер мағынасын ашу.3.Ситуациялық жағдайлар.4. Сәйкестендіру.

III. Қорытынды

Рефлексия

Сабақтың барысы:

І. Ұйымдастыру кезеңі

Оқушылармен амандасып, сабақтың тақырыбын тақтадағы суреттер арқылы анықтау.-Көңіл күйлерін қалай? Сендер қалай ойлайсындар, адамның көңілді болуы неге байланысты? (Ауа райына, денсаулығына, көңіл күйіне, қоғамға байланысты.)

II. Негізгі бөлім

«Ассоциация» әдісі

Сізде «ұрлық» сөзін естігенде қандай түсінік пен сезім пайда болады?

«Миға шабуыл» әдісі

- Ұрлық дегеніміз не? Оның қандай түрлері бар?

- Ұрлық істеген адамдар қалай жазаланады?

Мұғалім: ҚР Қылмыстық Кодексінде «Ұрлық деп өз пайдасына асыру мақсатында бөтеннің мүлкін қайтарымсыз жасырын иемденіп алуды» таныған.

- Бөтеннің мүлкін жасырын ұрлау (ұрлық);

- бөтеннің мүлкін ашықтан ашық ұрлау (тонау);

- шабуылға ұшыраған адамның өміріне немесе денсаулығына қауіпті күш жұмсаумен ұштастырып, немесе сондай күш жұмсамақ болып қорқытып бөтеннің мүлкін иемдену мақсатымен шабуыл жасау (шабуыл жасап тонау);

- алдау немесе сенімге қиянат жасау жолымен бөтеннің мүлкін иемдену немесе бөтеннің мүлкіне құқықты сатып алу (алаяқтық); Ұрлық, ұрла және ұрлау деген сөздердің түбірі «ұр» деген бір сөз. Осы түбір сөзге –лық, -ла және -лау жұрнақтарын қосып ұрлық сөзін – зат есімді, ұрла сөзін - етістікті және ұрлау сөзін шығарып отырмыз.

Ұрлық туралы Қылмыстық Кодекстің «Меншiкке қарсы қылмыстар» деп аталатын 6-тарауында жазылған. Оның 175-бабы «Ұрлық» деп аталды.

Ұрлық, яғни бөтен мүлiктi жасырын ұрлау - екi жүзден жетi жүз айлық есептiк көрсеткiшке дейiнгi мөлшерде немесе сотталған адамның екi айдан жетi айға дейiнгi кезеңдегi жалақысының немесе өзге табысының мөлшерiнде айыппұл салуға, не жүз сексеннен…