Ұрпаққа өшпейтін із қалдырған ашық сабақ, 7 сынып

Ұрпаққа өшпейтіндей із қалдырған

Мақсаты: Оқушылардың ұлы адамдар, олардың өмірі мен қызметінің мәні туралы түсініктерін кеңейту.

Міндеттері:

- Оқушыларды ұлы адамдармен өнеге-үлгі алуға, ұлағатын үйренуге баулу;

- Оқушыларды ұлы адамдардың жақсы істерін сезініп-көре білуге, оларды қадірлеп-бағалай алуға үйрету;

- Ақылдылыққа, өнегеллікке, сыйластыққа тәрбиелеу.

Шаттық шеңбері

Оқушылар мұғаліммен бірге қол ұстасып, шеңбер құрады, бір-бірімен сәлемдеседі.

Оқушылар шеңберде тұрып, «Ардақты аға» әнін орындайды. Үнтаспадан тыңдауларына да болады.

Ардақты аға

Сөзі Қ.Мырза Әлінікі

Әні Б.Жұманиязовтікі

Белгілі есімің

Бауырмал ағасың.

Көңілдің есігін

Күй болып қағасың.

Қашан да жақсыға

Құшағың жаясың.

Аязда – ақ шуақ,

Аптапта – саясың.

Тулайды жүрегің

Тасытып қаныңды.

Жұрт үшін жүресің

Қинап-ақ жаныңды.

Біреудің қайғысын

Қайғыңдай көресің.

Халықтың алғысын

Гүліндей тересің.

Кең көңіл даладай

Бересің қол ұшын.

Бір туған ағадай

Сыйлаймыз сол үшін!

Жақсылық кезінде

Жырға да сымбат қой.

Бұл өмір өзіңдей

Жандармен қымбат қой.

Әңгімелесу

Сабақтың келесі сәтінде әңгімелесу әдісі қолданылады. Әңгімелесу сұрақтары оқушылардың «Жақсы адам» туралы түсініктерін ортаға салып айтуларына мүмкіндік береді.

Әңгімелесу сұрақтары оқушылардың жақсы адам деп кімді, не үшін айтуға болатыны жайлы ойландырады. Келесі сұрақ бойынша жақсы адаммен қарым-қатынас жасағанда қандай сезім пайда болатынын айтады. Сондай-ақ өзі жақсы адам болғысы келе ме, неліктен деген сұраққа жауап береді.

Оқу ақпараты

Оқушылардың назарына төмендегідей оқу ақпараты ұсынылады.

Адам баласы өмірге жақсылық нұрын сеуіп, лайықты ғұмыр кешу үшін келеді. Әр адамның өмірлік мақсат-тілегі болады. Аңсаған арманына, көздеген мақсатына қол жеткізу жолында адамдар ізгілік пен адалдықты, ізденіс пен еңбекқорлықты өміріне арқау етеді.

Оқушылар осы материалмен танысу арқылы адам баласының өмірлік мұраты туралы біледі.

Мәтінмен жұмыс

Мәтінмен жұмыс кезінде оқушылар З.Ахметованың «Шуақты күндер» атты кітабында айтылған Бауыржан Момышұлының адами болмысы, ерлік істері, адамгершілік қасиеттері, өмірлік ұстанымы, халқына сіңірген еңбегі, артына қалдырған мұрасы, ой-толғамдары, халқының сүйіспеншілікке бөленуі жайында оқып, талдау жұмысын жүргізеді.

Бауыржан Момышұлы туралы естелік

(«Шуақты күндер» кітабынан)

З.Ахметова

Тапсырма

Оқушыларға Бауыржан Момышұлының өмірден түйген нақыл сөздерін түсініп оқып, өздеріне ұнаған нақыл сөздердің мағынасын таратып айтып беру тапсырылады. Елін қорғау жолында аянбай ерлік көрсеткен Бауыржан атаның нақыл сөздері ерлікке, батырлыққа, намысқойлыққа шақырады.

Нақыл сөздер

Қайратыңа әдісіңді жолдас ет,