Ұсақ моторика арқылы мектепке дейінгі балалар тілін дамыту

« Мектеп жасына дейінгі балалардың тілін дамытудағы ойын технологиясының түрі- ұсақ моториканың маңызы»

Мақсаты: тәрбиешілерді мектеп жасына дейінгі балалардың ұсақ саусақ моторикасын дамытудың негізгі құралдарымен таныстыру

Міндеттері:

тақырыптың өзектілігін ашып көрсету;

түрлі саусақ ойындары мен жаттығулардың бала тілін дамытудағы мүмкіндігін көрсету;

тақырыпқа байланысты түрлі әдебиеттерді өзбетінше іздеп,жұмысқа қолданудың тиімділігін түсіндіру;

балалардың саусақтарына тренинг жаттығулар жасау арқылы психикалық процесстерін ,тілін қалай дамытуға болатынын үйрету;

білімін жаңа ақпараттық технологиялар арқылы толықтыру;

жас ерекшеліктеріне байланысты қай топта қандай жұмыстар ,қалай жүргізілуі керек,қандай құралдар болуы керек толық ақпарат беру.

В. А. Сухомлинский (1918-1970):

« Бала қабілеті мен дарындылығы – саусақ ұштарынан бастау алады.

Саусақтардан басталатын нәзік салалар − шығармашылық ойларды нәрлендіретін қайнар көз ».

Бала тілінің дамуы , оның саусақ моторикасының дамуына тікелей байланысты.Егер де ұсақ моториканың дамуы жас ерекшелігіне сай болса , онда бала тілінің дамуы да қалыпты болады ; дамуында артта қалушылық болса , тілінде кемістік болады.Сондықтан егер бала тілінің дамуында ақау болса, онда бұл ұсақ моториканың мәселесі деген сөз .

Ұсақ моторикасы дамымаған бала:

Түзу сызық сыза алмайды ( тігінен , көлденеңінен ).

Графикалық жаттығулар орындау қиындық келтіреді

( сандар , геометриялық пішіндер ).

Сурет салғысы келмейді,илеу,жапсыру жұмыстарын жасамайды .

Мектепте жай жазады,каллиграфиясы нашар .

Көптеген бесжасар балалар қасықты жұдырығына қысып ұстап , қылқалам,қарындаш,қайшыны қиындықпен пайдаланады , кейде өз түймелерін ағытып,сала алмайды,бауын байлай алмайды.Бұл ұсақ саусақ моторикасының дұрыс дамымағандығының белгісі .

Ұ сақ моторика деген не ? Ұсақ моторика дегеніміз - жүйке,бұлшық ет , сүйек дамуының ортақ жиынтығы .

Ұсақ моториканы дамытудың маңыздылығы неде? Адамның бас миында саусақ қимылына және сөйлеуге жауап беретін орталықтар өте жақын орналасқан. Ұсақ моторикаға әсер ете және оны белсендіре отырып, көрші орналасқан сөйлеуге жауап беретін орталықты да дамыта аламыз.

І - сәбилер тобы

Шима йлар мен сызықтар сала алады. ыдысты қолына алып,көтеріп іше алады. 4 -5 текшені бірінің үстіне бірін қояды.