Ұсақ моториканы дамыту жаттығулары мектепке дейінгі балаларға

Тақырыбы: Ұсақ моториканы дамыту жаттығулары

Мақсаты: Ұсақ және моториканы дамыту. Екі қолдың да бағдарлауын арттыру. Алақан қол бұлшықеттерін дамыту.

Дефектолог:

Балалармен сәлемдесу.

Орындықта дұрыс отыру ережелерімен таныстыру.

Балалар осы апта бізде қандай апталық болып жарияланды?

Балалар бүгін біздер қол саусақтарына арналған түрлі жаттығулар орындаймыз.Сендер дайынсыңдар ма?

Жаттығу: «Түрлі-түсті моншақтарды өз ұяшығына сал»

Мақсаты: Ұсақ және жалпы моториканы дамыту.Балаларды түстерді ажырата білуге үйрету. Балалардың негізгі түстер жайлы (қызыл, сары, жасыл, көк) білімдерін бекіту.

Қажетті құрал-жабдықтар: Түстері әртүрлі моншақтар, ыдыс, түрлі-түсті жұлдызшалар.

Барысы: Балаға бірнеше бөлікке бөлінген ыдыс ұсынылады.Әртүрлі түсті моншақтар ыдыстың дәл ортасына араластырылып салынады.Ыдыстың жан-жағында орналасқан бөлшектеріне түстер бейнеленген жұлдызшалар салынады.Бала жұлдызшаның түстеріне байланысты моншақтарды бөліп салып шығуы тиіс.

Жаттығу: "Судан заттырды қасықпен ал".

Мақсаты: Ұсақ және жалпы моториканы дамыту.Балаларды түстерді ажырата білуге үйрету. Балалардың негізгі түстер жайлы (қызыл, сары, жасыл, көк) білімдерін бекіту.

Қажетті құрал-жабдықтар: Су құйылған үлкен ыдыс, түстері әртүрлі таяқшалар, қасық, түрлі-түсті құты.

Барысы: Баланың алдына су құйылған ыдыс беріледі.Ыдыстың ішіне сумен бірге түстері әртүрлі таяқшалар салынған.Бала түстеріне байланысты таяқшаларды столдың екінші жақ шетінде тұрған түрлі-түсті құтыларға түстеріне байланысты қасықпен алып салуы қажет.

Жаттығу: «Ұнтақ жармамен сурет салу»

Ұнтақ жарма құрылымы бойынша теңіз құмына өте ұқсас болып келеді.Баламен жұмыс жүргізу барысында теңіз құмының орнына тоңазытқышқа 5 минутқа салынған ұнтақ жармасын қолдануға болады.Баланың орындығына екі жақты скотчты пайдалана отырып орындыққа бекітіп, табаққа 5 мм тереңдікте ұнтақ жармасын салып пайдалануға болады.

Мақсаты: Ұсақ және жалпы моториканы дамыту.

Ұнтақ жармамен сурет салудың нұсқалары:

Әріптер мен сандарды үйрету.

"Қазына іздеу" ұнтақ жармамен және қарақұмықпен немесе күрішпен сурет салу.(Ұнтақ жармасының арасына түрлі-түсті күріштер, қарақұмық, моншақтар жасырып қою)

Ұнтақ жармасына көптеген суреттер салуға болады.

Қажетті құрал-жабдықтар: Табақ және ұнтақ жарма, әртүрлі моншақтар.

Барысы:

Балаларға ұнтақ жарма салынған табақ беріледі.Балалар табақтарда жасырынып тұрған моншақтарды табуы қажет.

Ұнтақ жармасына күн, үй, ағаш, алма, бұлттың суреттерін салу.

Жаттығу: «Түрлі-түсті түтікшелер алқасы»