Үш беттен тұратын қосымша оқу материалы

Оңтүстік – қазақтың қаймағы шайқалмаған жер. Бұл өңір шуақты күнімен, халқының жомарттығымен, меймандостығымен, салт-дәстүрге беріктігімен, ең бастысы – еңбек сүйгіштігімен ерекшеленеді.

Н.Ә. Назарбаев

Қазақстан Республикасының Президенті

Ғани Мұратбаев атындағы №61 жалпы орта мектебіне

60 жыл

Елбасымыз Н.Ә. Назарбаев жалпы халықтың, әсіресе ауыл тұрғындарының арасында үлкен бір сілкініс туғызған «Болашаққа бағдар: рухани жаңғыру» атты мақаласы халқымыздың көптен бері көкейінде жүрген көптеген рухани жағдаяттардың басын ашып берді. Мақалада бізге ой салған тұсы «Таяу жылдардағы міндеттер» атты тарауында «Туған жер» бағдарламасын қолға алу керектігі айтылды. Осы ой көкейге қона кетті. Себебі, өткен 2018 жыл біз туып-өскен, тұғырлы да берекелі Мақталы кеңшарына 60 жыл және осы өңірдегі талай азаматтарды білім нәрімен сусындатып, өз ұясынан ұшырған Ғани Мұратбаев атындағы №61 жалпы орта мектебіне 60 жыл толып отыр. Әрине 60 жыл аз жыл емес. Білім ордасының өткен жылдарына бір сәт шегініс жасап, келелі ой қорытып, қалам тартуға тұрарлық себеп болар деп ойлаймын. Осы 60 жыл ішінде талай құрметті ұстаздар өз шәкірттерінің өмірде өз орнын табуы, білімді, қоғамға пайдасы тиер азамат етіп қалыптастыруда ұзақ жылдар еңбек етіп, маңдай терін сарп етті. Олай болса, торқалы 60 жыл толып отырған білім ордасының тарихына аз-кем тоқтала кетуді жөн көрдім.

Осы елді мекенге 1957 жылдың көктемінде алғашқы тың игерушілер келіп қоныстана бастады. Қоныстанушылардың көпшілігі іргелес жатқан кеңшарлардан еді. 1958 жылы елді мекенде көшелердің жобасы белгіленіп, алғашқы үй құрылыстары жүргізіле бастады. Дәл сол 1958 жылы алғашқы Ғани Мұратбаев мектебінің іргесі қаланып, бастауыш мектеп болып шаңырақ көтерді. Оның алғашқы директоры Ұлы Отан соғысының ардагері Айдаров Сарыбай Ибрагимұлы болды. Ол кісі басшылық қызметте 1961 жылға дейін болды. Білім ордасы 1960 жылы Амангелді Иманов атындағы мектеп интернаты болып қайта шаңырақ көтерді. Мектеп директоры Бейсенов Тілеубай есімді кісі болды. Мектеп интернат болғаннан кейін шалғай аймақтардан жергілікті балалармен бірге шопандардың балалары да келіп оқитын. 1962-1963 оқу жылында білім мекемесінен алғашқы түлектер метепті бітіріп шықты. Ол жылы барлығы…