Үш тұғырлы тіл туралы эссе Қазақстан тарихы

Узахбаева ЖЖ «Ә.Махутоа атындағы мектеп-балабақша кешені» КММ

Тарих пəні мұғалімі, Маңғыстау облысы, Бейнеу ауданы

ҮШ ТҰҒЫРЛЫ ТІЛ – БƏСЕКЕГЕ ҚАБІЛЕТТІ ҰЛТ БОЛУДЫҢ АЛҒАШҚЫ САТЫСЫ

Елімізде шет тілдерін оқытуға мемлекеттік саясат дəрежесінде назар аударылуда. Себебі, жастарды жан-жақты, кемел, өз ісінің білгірі етіп қалыптастыру бүгінгі қоғам алдындағы ең маңызды, ең өзекті мəселелердің бірі. Осы негізде шет тілдерін үйренуге деген талап та күшейді.

Егер адамдардан «тіл білу сізге қажетпе?»,- деп сұрасаңыз, көпшілігі «қажет емес» деп жауап береді. Ана тілінен басқа бірде-бір тілді білмей өмір сүруге де болады деп ойлайтындардың саны жеткілікті. Олар ең жақсы əдеби туындылар əлдеқашан қазақ тіліне аударылған, кітап оқу үшін екінші тілді үйрену керек емес деп ойлайды. Алайда тіл білу қажет пе-қажет емес пе, деген сұраққа шынайы жауап алғыңыз келсе, шет тілін білмейтіндерден емес, шет тілін білетіндерден сұраған дұрыс. Шынында, өзінде жоқ нəрсенің маңызы туралы сізге кім дұрыс мəлімет бере алады?

Əр тіл өзіне тəн аспектімен басқа тілдерден ерекшеленеді. Біздің ана тіліміздегі сынды басқа тілдерде де сол халықтың өткені көрініс табады. Тіл үйренудің артықшылықтарын тілді толық меңгермейінше көре алмайсыз. Шет тілін үйрену арқылы сол халықтың тұрмыс салты, менталитеті, дүниетанымымен жақын танысуға мүмкіндік туындайды. Бұл тіл үйрене бастаған алғашқы күндері сезілмейді, алайда тілді толық меңгерген сайын оның артықшылықтарын көре бастайсыз.

Осы заманғы психология ғылымы шет тілін үйрену адам мінез-құлқына да ықпал етеді, деген ойды алға тартуда. Тіл үйренудің іс жүзіндегі нəтижелері төмендегідей: Интернет желісі сіз үшін кеңейе түседі. Бір тіл білетін адам интернеттен негізінен, сол тілдегі мəліметтерді іздейді. Ал ағылшын тілін жəне бірнеше тілді білген адам одан жүз есе артық білімге қол жеткізетіні анық, себебі дереккөздер бірнеше есе көбейеді. Шет тілін білген адам сол тілдегі фильмдерді түпнұсқада көруге мүмкіндік алады. Шетелдік əнді əншейін емес, түсініп тыңдауға дағдыланады. Тіл үйрену пікірлеу қабілетін дамытады. Сондықтанда жоғары білімді, заман ағымына ілескен, əрбір саналы адам, кəсіби не əлеуметтік себептерге байланысты шет тілін үйрену қажеттілігін сезінеді.