Ұшақ тақырыбындағы мектепке дейінгі ашық сабақ

Ұйымдастырылған оқу қызметінің технологиялық картасы

Білім беру салалары. Шығармашылық

Бөлімдері:Жапсыру.

Тақырыбы: «Ұшақ».

Мақсаты:

Білімділік: Көлік түрлері туралы білімдерін нақтылау;

Дамытушылық: Аспан денелерін ажырата білуді үйрету;

Тәрбиелік: Ұшақ бөлшектерін рет-ретімен орналастыра білуді үйрету, жұмысты ретімен атқара білуге тәрбиелеу.

Қажетті көрнекі құралдар: Үлестірмелі материалдар,дайын аппликация үлгілері, сүрткіш.

Сөздік жұмыс: қалақ

Билингвальді компонент: ұшақ-самолет, аспан-небо

Іс-әрекет кезеңі

Тәрбиешінің әрекеті

Балалардың әрекеті

Себепті қызығушылы

ғын ояту кезеңі

Жұмбақтар.

Құстан аумайды,

Көкте зулайды.

(Ұшақ)

Күміс қанат сұңқары,

Көкке еркін сүңгиді.

Бұлттан да тым әрі,

Кеткен жанды кім дейді?

(Ұшқыш)

Балалар тәрбиешінің жасырған жұмбақтарын шешеді: Ұшақ, Ұшқыш.

Ұйымдастырушылық ізденіс кезеңі

Балалар, ұшақтар қайда ұшады?

-Ал сендердің ұшқыш болғыларың келеме? Ұшқыш болу үшін не істеу керек? Ендеше, біз нағыз ұшқыш болу үшін өзімізге ұшақ жасайық.

Ұшақ жасау үшін мына суретке назар аударайық.

Сөздік жұмыс: қалақ.

-Суретте нелер бейнеленген? Ендеше, фонға ұшақтың қанатын жапсырамыз, одан соң, ұшақтың қанатынан сәл төменірек ұшақтың құйрығын жапсырайық, қанаты мен құйрығының үстіне ұшақтың негізгі бөлігін жапсырамыз. Ұшақтың негізгі бөлігінде адамдар отырады, ал олар қайда ұшып бара жатқанын білу үшін оларға терезе керек. Олай болса, терезесін жапсырайық. Ұшағымыз ұшу үшін оның алдыңғы жағына қалағын және оны ұшаққа бекітіп тұратын дөңгелекті жапсырамыз.Ұшағымыз дайын болды.

Сергіту сәті.

Аспан, аспан, арайлым,

Саған жиі қараймын.

Сені көзбен шоламын,

Мен ғарышкер боламын.

Балалардың істеген жұмыстары тақтаға ілініп талданады.

-Аспанда ұшады.

-Иә. Мен өскенде ұшқыш боламын.

Балалар үлестірмелі материалдағы суретке қарайды.

Қайталайды: қалақ.

Суретте аспан, ұшақ, бұлт,Күн бейнеленген.

Балалар тәрбиешіні тыңдап, оның айтуы бойынша жұмысты орындайды.

Өздері дайындаған ұшаққа қызыға қарайды.

Тәрбиешімен бірге жасайды.

Іс-әрекеттің бағалау кезеңі

-Балалар, бүгін ұйымдастырылған оқу іс-әрекетінде не үйрендіңдер?

-Ұшақ жапсыру қызық па екен?

Педагог балаларды марапаттайды.

-Ұшақ жасауды үйрендік.

-Иә, өте қызық.

Күтілетін нәтиже:

Нені біледі: Ұшақтың бөліктерін, оларды рет-ретімен жапсрыуды;

Қандай түсініктерді игереді: Ұшақтың әуе көлігі екендігін, аспанда ұшатынын, берілген тапсырманы тыңғылықты орындауды.

Меңгерген дағдылары мен іскерліктері: Жапсыру барысында ұшақ бөліктерін ретімен орналастыруды.