Үшбұрыш бұрыштарының қосындысы 7 сынып жоспары

7.3С Түзулердің өзара орналасуы

Мектеп: Ю.Гагарин атындағы жом

Күні:

Мұғалімнің аты-жөні: Жумамуратова Ж

Сынып: 7

Қатысқандар саны:

Сабақ тақырыбы

Үшбұрыш бұрыштарының қосындысы.

Сабақтың түрі

Жаңа сабақ

Осы сабақта қолжеткізілетін оқу мақсаттары (оқу бағдарламасына сілтеме)

үшбұрыштың ішкі бұрыштарының қосындысы туралы теорема мен оның салдарларын дәлелдеу;

үшбұрыштың ішкі бұрыштарының қосындысы туралы теорема мен оның салдарларын есептер шығаруда қолдану;

Сабақ мақсаттары

Үшбұрыштың ішкі бұрыштарының қосындысы туралы теореманы дәлелдеу

Теореманың салдарын дәлелдеу

Есептер шығарғанда үшбұрыштың ішкі бұрыштарының қосындысы туралы теорема мен оның салдарларын қолдану

Ойлау дағдыларының, шығармашылық қабілеттерінің, пәнге қызығушылықтарын арттыруға ықпал ету.

Зерттеушілік дағдыларының дамуына, ғылыми дүниетанымдарының қалыптасуына ықпал ету.

Бағалау критерийлері

Үшбұрыштың ішкі бұрыштарының қосындысы туралы теореманы дәлелдейді

үшбұрыштың ішкі бұрыштарының қосындысы туралы теореманы, оның салдарларын есептер шығаруда қолданады

Тілдік мақсаттар

Оқушылар:

- теоремаларды дәлелдеу мен есеп шығаруды түсіндіреді;

- бөлімнің терминдері мен ұғымдарына сүйенеді;

- сызбадағы берілгендерді суреттейді.

- егер ішкі айқыш бұрыштар ... ;

- егер ішкі тұстас бұрыштардың қосындысы ... ;

- егер сәйкес бұрыштар ... ;

- берілген бұрыш үшбұрыштың ... төбесіндегі сыртқы бұрышы болып табылады, өйткені ... ;

- ішкі айқыш бұрыштар, ішкі тұстас бұрыштар, сәйкес бұрыштар;

- үшбұрыштың ішкі бұрыштарының қосындысы;

Құндылықтарды дарыту

Оқу, өз бетімен ақпаратты табу, жағдайды талдау, жаңа жағдайларға икемделу, мәселелерді қою және шешім қабылдау, жұпта, топта жұмыс істеу, өз жұмысының сапасына жауап беру, өз уақытын ұйымдастыра білу;

Пәнаралық байланыстар

Біздің қоршаған ортада үшбұрыштар көптеп кездеседі. Бұл түсінікті дизайн мен технология, құрылыста және физикада қолдануға болады.

Бастапқы білім

Түзулердің параллельдік белгілері

Сабақтың жоспарланған кезеңдері

Сабақ басы

Ұйымдастыру кезеңі: (Амандасу, сыныпты түгендеу,жағымды психологиялық ахуал қалыптастыру, сынып оқушыларының сабаққа дайындығын тексеру, үй тапсырмасын тексеру, сабақ тақырыбын және мақсатын айқындау)

Өзара тексеру

Сабақтың ортасы

Оқушыларға сұрақтары бар карточкалар таратылып беріледі.

Оқушы: Бір оқушы бастап өз карточкасындағы сұрақты қояды, кез келген оқушы сұраққа жылдам, әрі дұрыс жауап беру арқылы келесі сұрақты қою мүмкіндігіне ие болады. Кімнің қолында көп карточка қалады, сол оқушы жеңілген болып есептеледі.

Мұғалім: Жауаптардың дұрыс, нақты болуын, дұрыс айтылуын қадағалайды.

Мақсаты: Өткен тақырыпты қайталау, оқушылардың математикалық тілде сауатты сөйлеу дағдысын жетілдіру

Жаңа тақырып.

Топтық жұмыс. Оқушыларды топқа бөлу

Проблемалық ахуал туғызу

І топ

Бір бұрышы 30o болатын үшбұрыш салыңыздар

Бұрыштары 40o және 50o болатын үшбұрыш салыңыздар

Бұрыштары 20o ,30o ,40o болатын үшбұрыш салыңыздар

Оқушылар: үшінші үшбұрышты салу мүмкін емес.

Мұғалім: 3 түрлі жағдай болуы мүмкін, қабырғаларды созып, үшінші бұрышты анықтаңыздар. Барлық үшбұрыштардың бұрыштарының қосындысын табыңыздар. Үшбұрыштың бұрыштарының қосындысы туралы не айтуға болады?

ІІ топ:

Үшбұрыш бұрыштарының қосындысы туралы теореманы дәлелдеу үшін сызбаны ұсыну. Түзулердің параллельдік белгілерінің көмегімен теореманы дәлелдеу.

ІІІ топ

Үшбұрыштың ішкі бұрыштарының қосындысы туралы теореманы көрсету үшін үшбұрыштардың модельдерін таратып,

үшбұрыштың бұрыштарын қиып алып, кесілген төбелері бір нүктенің бойында жататындай, ал бұрыштың қабырғалары басқа бұрыштың қабырғаларымен беттесетіндей етіп орналастыру.

Қорытынды жасату.

Зерттеу жұмысы.

Үшбұрыш салыңыз;

Үшбұрыш бұрыштарын өлшеңіз;

Үшбұрыштың ішкі бұрыштарының қосындысын табыңыз;

Осындай өлшеуді кез келген басқа үшбұрыш үшін орындап, кестені толтырыңыз.

Нәтижелерін талдап, қорытынды жасау.