Ұстаз мәртебесі туралы мақала адам және қоғамнан

Ұстаз мәртебесі

Маған жақсы мұғалім бәрінен де қымбат,

өйткені мұғалім мектептің жүрегі.

Ыбырай Алтынсарин

Ұстаз болу дегеніміз қандайда бір кез-келген мамандық деуге болмайды. Өйткені ұстаз ұғымы қадірлі де қастерлі. Ұстаз - нұр сыйлаушы. Егер ұстаз ізгілік жолында таза жүрекпен ғажайып өмірге үлкен мақсаттар қойып, сол мақсатқа жауапкершілікпен, адал ниетпен қол жеткізсе. Ол оның өмірінің мәнді де сәнді бейнесін көрсетері анық.

Ш.Амонашвили: «Бала өмірге белгілі бір борышпен келеді, сол баланың ішкі жан дүниесінің жарық сәулесі бар. Ұстаз бен ата-ана сол сәуленің жарқырап нұрлануына бағыт көрсетуі керек» деген.

Әрбір елдің келешегі мектебіне байланысты. Ұстаз – жас ұрпақтың рухани сәулеткері, мектептің жүрегі, балаларды білім нәрімен сусындатып, бойына жақсы қасиеттерді дарытып, рухани-адамгершілік тәрбиеге бағыт-бағдар беруде ұстаздардың еңбегі ерекше зор маңызға ие. Адамгершілігі мол, педагогикалық шеберлікті меңгерген, өзін де өзгені де жетілдіре білетін рухани бай мұғалім қазіргі таңда аса қажет. Бойында осындай құндылықтар байқалған әр ұстаз «Ұстаз» деген мәртебеге лайықты емес пе!?

Ұлы ұстаздар мен олардың еңбектері, жасаған жақсылықтары келешегі кемел жастарымыз үшін бақытты өмір сүрудің керемет кепілі деуге болады.

Сондықтан да бойы құндылықтарға толы жандардың еңбектерін, астарлы әңгімелерін ұстанымдай етіп, мән-мағынасын біле жүре, оқи отыра керемет өмірдің қызықтарына кенелеміз, өмірдің мәнін ұғынамыз, жарқын әлем сүйіспеншілігіне нұрлана отыра бақытты өмір сүреміз деуге болады.

Әркім өз тағдырын өз қолымен жасайды. Қазіргі жаһандану кезінде ұлттық тәрбиенің маңызы зор. Сондықтан да өзін-өзі тану сынды құндылыққа толы пәндер арқылы әркімнің жүрегіне жол табуға болады, жер бетінде ізгілік, қарапайымдылық, сүйіспеншілік орнатуға болады.

Осы орайда рухани-адамгершілік білім беру Бағдарламасының авторы Сара Алпысқызы Назарбаеваға алғыс айтқым келеді.

Келешегі кемел Мәңгілік ел мемлекетіміздің аяулы алақанында осындай жүректері махаббатқа толы, сүйіспеншілігімен баурап алатын рухани бай жандардан үлгі-өнеге тұтып, болашақ ұрпаққа тәлім беруші жақсы адамдар арамызда мәңгі жүре берсе екен деймін.

Ұстаз мәртебесі әрдайым төрде орын алып, шәкірттерінің сүйіспеншілігімен қоршаған ортаны нұрға шомылдырмайды емеспе?! Адам бойындағы құндылықтарды бағалаудан, жүректен шыққан мейірімділіктен, дұрыс әрекеттен құралған ұстаздардың…