Ұстазы жақсының – ұстанымы мықты мақаласы

Алматы облысы, Іле ауданы, №24 лицейінің

бастауыш сынып мұғалімі

Аймбетова Айнур Амиркуловна

Ұстазы жақсының – ұстанымы мықты.

Ұстаз ұғымы жер бетінде пайдалы болғалы бері өзінің өзектілігін жоғалтпаған бір аталы сөз бар: «Ұстазы мықтының ұстанымы мықты». Себебі бала атаулы өмірге ақ қағаздай таза болып келіп, Абай атамыз айтқандай көре, жүре қалыптасады. Ал жас шыбықтай бұралған, әсершіл жас баланың өмірінің ең алғашқы сәттеріндегі басты беделді адамдар, бой түзер құбыласы ата – анасы мен ұстаздарды болып келетіндігі аксиома. Ал нарықтық қоғамға өтіп, сананы тұрмыс билеп, жан бағу басты мәселеге айналған қазіргі жағдайда бұл салмақтың көп бөлігі таңнан кешке дейін жұмыста жүрген ата – аналардан гөрі мұғалімдер қауымына түсіп жатқандығы да шындық. Сондықтан болашақ ұрпақтың адам ретінде де, маман ретінде де мықты болып қалыптасуы біздің қажыр – қайратымызға көп байланысты болып отыр.

Осы жауапкершілікті дұрыс алып жүре білу жолындағы менің басты қағидам Фараби атамыз айтып кеткен өсиет «Тәрбиесіз берілген білім – қауіп» болып табылады. Тәрбиесіз, яғни адами құндылықтар сіңірілмей берілген білімдіден парақор да, террорист те, адам баласын мүшелеп сатуға дайын хирург те, бактериологиялық қаруын халықтарды құртуға бағыттайтын ғалым да, өз ұлтынан басқаны көзге ілмейтін шовинист, геноцидке бейім, соғыс қақтығыс бастағыш билеуші де шыққан және шыға бермек. Білім тәрбиемен берілуі үшін басты бұлақ – иман бұлағы болуы тиіс. Өмірге келуінің мәнін жақсы түсінген, әрбір жақсылық пен жамандықтың қайтарымы ең дүниеде де бар екендігін ұғынған адам, қателікке бой алдырмауға тырысады, бой алдырған күннің өзінде оны түзетуге тырысатындардың қатарынан болары хақ.

Екінші басшылыққа алынуы тиіс қағида ол – балаларды дұрыс бағдарға бағыттау. Бүгінгі таңда жас жеткіншектерден алынған көп сауалнамаларға назар сала қалсаң, көбінің арманы әнші – әртіс болу. Бұл әлбетте, өте өкінішті көрініс және қазіргі қоғамның лакмустық қағазы. Бала табиғатынан көргенін қайталауға бейім екенін ескерсек, бұдан идеологиялық ақпараттық саясатымыздың қаншалықты ақсап жатқанын көреміз. Кезінде құпия құжаттардан Гитлердің бір ұлтты құртқыларын келсе жастарын даңғырлақ музыкамен әуестендіріңдер деген жазбасы…